何依婷搞Baby Shower 老公親吻孕肚勁溫馨 麥明詩估中BB性別
何依婷（Regina）與圈外男友Cedric於2023年喺峇里島舉行婚禮，去年12月宣布懷孕5個月喜訊，日前為BB舉行性別揭曉派對，一班圈中好友麥明詩、蔡嘉欣、陳詩欣及陳懿德皆有出席，並按照何依婷要求穿着相應顏色嘅服裝，分成Team boy和Team girl，蔡嘉欣、陳懿德估BB係男仔，所以著上藍色衫；陳詩欣、麥明詩估BB係女仔就著粉紅色衫。
何依婷昨日（26日）分享BB性別揭曉派對嘅照片；從照片中睇到，佗住6個月BB嘅何依婷穿上一字膊連身裙，手腳依然纖幼，肥肚不肥人。而派對場地設有印上「Boy or Girl」嘅背景板及藍色、粉紅色氣球，老公溫馨親吻何依婷嘅孕肚，而何依婷就刺破氣球揭曉BB性別，現場散開粉紅色氣球，代表何依婷佗嘅係BB囡。何依婷於帖文中表示期待將來可與女兒扮靚靚：「So is Baby R a boy or girl? The answer is… A Baby Girl，期待Baby R長大後，一齊母女裝出街街」，余香凝、江嘉敏、何廣沛等藝人留言送上祝福，麥明詩更表示自己估啱咗，被何依婷大讚：「叻」。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
