張寶兒為14個月大兒子「袁咕碌」創造學習環境 將玩具架變書架惹網民熱議

張寶兒（Bowie）與袁偉豪於2017年拍攝TVB真人騷節目《打工捱世界II》撻着，拍拖3年後結婚，二人聯名以逾6,568萬元購入西貢清水灣傲瀧一個2千多呎連花園複式單位。2023年，張寶兒為袁偉豪誕下兒子「袁咕碌」袁晞祐（Hayven），一家三口幸福美滿；張寶兒又為袁咕碌開設社交平台記錄成長過程，同時分享育兒心得，不過近日對袁咕碌嘅教育行為則惹起熱議。

袁咕碌現時十四個月大，擁有獨立睡房和專屬浴室；去年11月，張寶兒分享袁咕碌於花園學行路情況，大讚兒子學習能力快。近日，又PO出一段影片，描述BB房一年嘅變化，表示為兒子創造學習環境，將曾經嘅娛樂區域變成書枱，書架放滿各種類型圖書，同時將玩具架變成書架，直言收埋咗好多袁咕碌嘅玩具，只剩下牆邊一角幾個毛公仔：「玩具架依家得返好少玩具，好多書，因為唔想佢太分心玩太多嘢。而呢個書架原本有好多公仔，但公仔會令袁咕碌分心，所以被我哋收晒。」

張寶兒又同袁咕碌玩認字卡、盪鞦韆、攀爬架等遊戲，大讚兒子未識講嘢但認知超強：「年紀輕輕，未識講嘢，最近卻發現他嘅認知超強⋯⋯無論係真實圖片定係公仔畫像，佢都知道係同一樣野，打開圖書問佢邊隻係貓、邊架係巴士小巴，頭先揭到邊版有爸爸，佢全部都知道」，唔少網民激讚袁咕碌好叻仔，不過對於張寶兒教導小朋友嘅方法有啲意見，表示戥袁咕碌可憐：「陰公，幾個月就開始要看書」、「悲慘童年的紀錄」、「幼兒園都未上，咁快就要學習生字，港孩真係可憐」、「好辛苦，還沒會說話，除了讀書就是讀書」等等；但都有唔少網民大讚張寶兒係好媽媽：「如果我兒子有個這麼優秀的媽媽，他現在應該學得很好」、「方方面都考慮得好周到」、「媽媽好用心，每次看你發圓咕嚕的vlog都好治癒～真的是習慣從小養成」、「你真的是個很稱職的媽媽」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！