向佐跌帶背心孖辮look扮小雲受訪 自爆童年食麥當勞都被討論「向華強個仔唔可以食」

向佐擔任總製片人及主角嘅電影《門前寶地》上映，但係票房未如人意，反而更成為網民討論對象。之後向佐出席活動時以女裝打扮，再度引發網民議論紛紛，其後亦多次以女裝示人甚至參與直播帶貨，有網民話向佐已經「放飛自我」。

早前向佐接受內地媒體採訪時，著住「跌帶」背心加冷帽子，紮孖辮仲化咗淡妝，同佢鋼條身型相當違和。不過向佐喺訪問入面話，呢個look係由《IQ博士》小雲個造型啟發，佢囡囡都有俾意見，而向佐自己希望每次出嚟都俾大家驚喜，而且做娛樂圈應該娛樂大家。

由女裝打扮到家境，向佐一路都係話題人物，佢話自細就喺輿論風波長大，憶述十二三歲去食麥當勞，就被身邊嘅人討論，話向華強個仔唔可以食麥記。向佐直言「我零用錢沒多少，為什麼不能吃」。向佐又話，佢之前試過因為電影融資問題，求過200個人，更加對其中一個人講「哥，談了很多次了，就能不能好好想一遍？當我求你了」。向佐覺得父母有錢唔代表自己唔可以去打拼，佢亦都希望可以達到爸爸嘅事業成就，但佢都話太難。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！