前港姐冠軍謝嘉怡IG發文怒轟 兩愛犬疑遭人蓄意下毒

謝嘉怡（Lisa）2020年以大熱姿態勇奪香港小姐冠軍及最上鏡小姐，成雙料冠軍，中英混血兒並擁有深邃輪廓嘅謝嘉怡更被大讚係近年最美港姐之一。今日（16日）佢喺社交網站宣布兩愛犬Summer與Peach突然離世，原因係遭人精心策劃蓄意下毒。

一向熱愛小動物嘅謝嘉怡，養有三隻愛犬Summer、Leo與Peach，不過噚日（15日）Summer與Peach疑食咗有毒嘅肉突然離世。喺今日佢喺社交網站上載愛犬及有毒嘅肉圖片，並以英文發長文交代事情經過：「我懷著最沉重的心碎心情去寫下這篇文章的。噚日下晝我帶著我的三個孩子散步，但最後我只能帶Leo回家。我哋喺林村社山村嘗試行一條新路返屋企，點知有啲非常噁心、可怕和不可原諒嘅人決定喺路上留下一頓充滿毒藥的肉宴。當我見到佢哋嘅時候，佢哋已經開始跌倒並癲癇發作。不幸地Peach未能捱到見獸醫，而Summer亦很快過身，獸醫話嗰啲食物加咗神經毒素，即係食咗之後會即刻攻擊佢哋嘅大腦，所以無能為力。

我感到困惑和痛心，點解我嘅愛犬唔可以同我一齊返屋企？點解我今日瞓醒個心有有兩個巨大嘅洞？有咩必要殺死兩隻無辜的狗仔？雖然我感到崩潰，但做呢件事嘅人依然正常地生活，可能去睇有冇動物上鉤。

昨天我對人性已經失去信心，不過依然遇到有心人幫我叫的士，喺巴士站亦有人嘗試俾牛奶幫助佢哋，而的士司機見到狗仔嘅恐慌同痛苦，並冇向我哋收取一分錢。感謝獸醫盡最大努力及半夜發消息俾我話我和Leo有冇事。他們令我恢復外面有好人嘅信心。

今日我起身就準備為愛犬挺身而出，唔會俾佢哋無緣無故咁死，並倡導變革。為何購買這些產品係合法呢？如何令動物步行安全？同埋點解銷售呢啲產品冇保障措施？如果有人可以毒害動物，咁點樣阻止佢哋對人類下毒呢？

呢啲毒藥都可以殺死我們，正如大家從最後一張相片所見，呢個係經過精神策劃，佢哋有一隻烤雞、香腸和其他任何動物鍾意食嘅肉，佢哋甚至將食物放喺一個盤度俾佢哋食。晚安我的寶寶 G 和晚安 peachybum-💔」呢個PO一出，唔少網民都紛紛留言表示極為心痛及斥責放毒肉嘅人。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！