何依婷慶祝結婚1年上載婚禮短片放閃 罕晒與富二代老公正面合照：一起成長 一起變老

TVB上位小花何依婷（Regina）與圈外男友Cedric於去年5月喺峇里島舉行婚禮；早前佢宣布懷孕5個月，榮升做準靚媽。噚日（17日）就係佢哋結婚一周年，何依婷喺IG上載婚禮短片，令到一眾網民都感受到佢哋嘅甜蜜。

幸福人妻何依婷喺IG上載婚禮短片，留言話「12.16 紙婚 我們70年的約定 眨眼又過了一年 期待我們繼續一起成長 一起變老 Happy first wedding anniversary Thank you for always being my Genie with unlimited wishes Love you for a thousand more❤️ #oneyearanniversary」，唔少網民都紛紛留言送上祝福。

過去何依婷只係上載老公側面嘅照片，今次嘅影片難得見到Cedric嘅正面。影片一開頭就有何依婷與陳詩欣、蔡嘉欣、張秀文及鍾晴等姊妹喺酒店房間內灑花瓣，之後何依婷及Cedric換上中式及西式嫁衣，進行浪漫嘅婚禮。

何依婷曾透露與老公Cedric為大學同學，二人相識多年，經深思熟慮後開始關係，而對方大佢一歲，係物流公司老闆；據悉其家境唔錯，係一名富二代。有指，二人婚後搬入「紅磡樓王」海名軒居住，單位市值約3,000萬元；早前何依婷於社交平台分享布置聖誕樹嘅影片，曝光豪宅內部裝潢。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！