大角咀美食︱雅緻上海菜館 新鮮黃鱔炒鱔糊 招牌黑醋骨 + $48/四個爆汁小籠包
大角咀這間新開半年的上海菜館，大廚做了上海菜超過三十年，款款小菜都有心機，黑醋骨，小籠包及炒鱔糊，標價親民，適合一家大細！即睇Yahoo Food專訪：
跨年前後，飯局特別多，想找間有特色，坐得舒服，價錢又不太貴，適合扶老攜幼一家大細，或一班朋友坐低慢慢嘆的地方，除了打邊爐禤燒肉，還有甚麼選擇？大角咀埃華街開業半年這間新派上海菜館，背後掌杓的大師傅有三十多年上海菜經驗，跟過上海師傅學藝，手法正宗。
👉🏻全新Yahoo Food Instagram上線啦！立即Follow獲取更多飲食攻略
新鮮黃鱔做鱔糊 啖啖肉黑醋骨
小店「上海維記」，單看門口及裝潢，簡潔新派，完全不像印象中的上海餐館。打開餐牌，該有的上海菜都齊全：麻婆豆腐、鍋貼、蒜泥白肉、糖醋魚、砂鍋雲吞雞、賽螃蟹、上海粗炒、紅燒獅子頭。負責人植先生說，雖然做的是傳統上海菜，但他們想配合現代人口味，盡量少油少鹽少糖，味道不走濃油赤醬的方向。心機反而花在用料及工序，像招牌「銀芽炒鱔糊」，不用急凍來貨鱔，每朝到附近街市買新鮮黃鱔回餐廳自己劏，洗，去骨，也因此，吃鱔時會吃到數量很少，極幼的細骨。黃鱔大條，每碟落足二至三兩，鱔肉鮮甜，無泥味又彈牙，只加少量蠔油、鹽糖做芡汁提味，熱辣辣好食。又如另一款招牌菜「黑醋骨」，用新鮮半肥瘦排骨，切去連著大骨的部份，盡量做到每件排骨一口大小，少骨，啖啖肉。做法是把排骨醃好，加一層薄粉漿，落鑊炸，黑醋汁另以香醋、糖鹽蒜薑等調製，炸好的排骨連同黑醋汁輕炒，剛好蘸了一層黑醋外衣，外層脆口肉鬆嫩。一家人來吃飯，怎少得叫一碟雞，招牌「花雕醉雞」，每碟用半隻鮮雞，以雞湯浸煮，過冷河，上枱前再直接淋上花雕酒，雞件入口，酒香先聲奪人。
$48/四個 爆汁小籠包
點心輕食類都有心機，小籠包的外皮都不用來貨，每朝5am大廚就要開粉，搓皮，再把用雞骨，豬骨，火腿熬成的高湯加新鮮豬肉成皮凍。小籠包皮薄煙韌，一咬爆汁，$48/四粒，高質抵食，不過因為功夫多加上人手有限，每日約供應三十份，要食就要快！吃完整餐飯，叫碗「桂花酒釀丸子」，當中的丸子都是自家搓製，清甜暖胃。菜式平均八九十蚊/份，街坊價已經吃到大師傅手勢，難怪無甚宣傳，單靠口碑都做到晚市爆滿。
上海維記
地址：大角咀埃華街90號地舖(地圖按此)
電話：26876888
全新訂座平台「Yahoo訂餐廳×Openrice」正式上線！
更多大角咀美食推介
大角咀美食︱良心串燒店最平$10蚊串燒 每月派飯100份！ 90後大廚：想做啲嘢回饋社會
大角咀美食︱茶記師傅開小店做港式奶茶特飲 焦糖燉蛋配奶茶+100%椰奶沙冰 奶茶舖都有omakase
大角咀美食︱大角咀「那個」開副線甜品店！二人份量巨無霸芒果奶冰+蜜糖愛玉配士多啤梨乳酪
大角咀美食︱韓式簡約風cafe 牛油果大蝦酸種麵包 + 海鹽忌廉咖啡
大角咀美食︱草本咖啡café自製陳皮醬latte+桂花latte 另有牛油果漢堡
大角咀美食︱廿三歲仔開拉麵舖 麵屋一鳴最平$55食到雞白湯拉麵 店主:唔想一碗麵都賣咁貴
大角咀美食︱新鮮花甲粉小店聚椒$54起食到！四小時豬骨湯底+日用廿斤花甲
大角咀美食︱韓國小店Cup Bop屹立十年 夫妻檔打理 最平$68/六件去骨炸雞
本地名廚與新泰籍主廚聯手坐鎮Sawadee Chef 必食足料特濃船麵/泰式炸流心蛋/清邁咖喱雞腿麵/泰式青檸蒸龍躉球
Crumbled英國過江龍開到大角咀 百搭Crumble脆脆杯專門店 十四款配料任選
大角咀美食︱燒雞專門店辣雞製造 十款醬料任揀 雞拼盤+酒糟雞子+辣椒雪糕
大角咀美食︱蚊型小店馬來椰爺！自炒無味精叻沙醬摻摻+惹味叄巴咖喱湯麵
自助餐優惠｜大角咀60分鐘素食自助餐半價低至每位$34 外賣任選菜式餐盒只需$30
大角咀美食│清新café任坐不設時限！店主：客人都很體貼及自律
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
