雅虎香港新聞 大角咀美食︱廿三歲仔開拉麵舖 麵屋一鳴最平$55食到雞白湯拉麵 店主:唔想一碗麵都賣咁貴
大角咀這間新拉麵店主打一款雞白湯，主理人是位學師未夠一年的年輕大廚，標價非常親民，最平55蚊就食到一款！即睇Yahoo Food專訪：
「自己都係後生仔，收入唔高，以前做part time先得$50-$60一個鐘……將心比己，唔想一碗麵都賣咁貴。」麵屋一鳴店主Ken
香港的拉麵店，要麽是飲食集團或日本過江龍， 否則都是資深拉麵師傅擔大旗，少有像大角咀這間新開三個月的拉麵店，站在廚房的，竟是個學師未夠一年，年謹廿二，三歲的後生仔。餐牌也特別，全店主打一款雞白湯，menu上最貴的拉麵只是$68/碗，最平一碗$55蚊，如果是午市，價錢還包一碟沙律及紙包檸檬茶，價錢比坊間拉麵舖平一截。以港人一貫「平嘢無好，好嘢點會平」的固有概念，難道這店真是茶記質素的日式拉麵店？
👉🏻全新Yahoo Food Instagram上線啦！立即Follow獲取更多飲食攻略
將心比己 「唔想一碗麵都賣咁貴」
採訪時未夠廿三歲的店主Ken坦言背後想法：「自己都係後生仔，收入唔高，以前做part time先得$50，$60一個鐘，去出面食一碗普通，唔係有貴價海鮮嘅拉麵都接近$100起跳，仲未計飲品同小食。如果想食得飽啲，我要返三個鐘先食到一餐拉麵，我覺得實在太貴。所以當自己有機會開拉麵舖，將心比己，唔想一碗麵都賣咁貴。特別係我都住喺大角咀，都想呢區街坊可以食到又平又好食嘅拉麵。」開一間平民拉麵店的初心當然美好，但開業初期，於網上得到的口碑評價，卻出乎他意料 — 在網上的拉麵討論群組或街坊群組，對拉麵店的評價負面多於正面，主要批評拉麵湯底味太淡，不夠濃。
餐牌上最平的拉麵，如果是午市還包飲品及前菜沙律。好足料，紫菜、雞胸、木耳、芽菜及筍，分分鐘平過連鎖米線舖叫三餸。
首次創業開拉麵店的Ken說：「唔開心就一定有，但我都承認自己開舖時湯底做得唔好，主要係拉麵湯底落嘅料唔夠，我有認真睇哂食客嘅網上留言評價，亦有問過身邊朋友。之後我有調整，加多咗三份一材料去煲雞湯，我夠膽講，而家食物水準已經比開舖時穩定好多。其實過咗開舖初期，已經慢慢見到回頭客。」
招牌 零味精雞白湯湯底
說Ken獨自擔大旗其實不準確，因為餐廳是他和他的日本菜師傅一同合作。Ken之前從未當過大廚，餐飲經驗限於連鎖店樓面。「 我自己好鍾意食拉麵，特別係蝦湯拉麵，早於籌備麵店前已經鍾意週圍試食，我特別唔鍾意食到味精太重嘅湯底，所以我而家絕對唔會落味精，全部味道都係天然熬出嚟。」像招牌雞白湯，湯色濃而不油，入口淡淡雞油香，其實是用了雞殼，雞骨及少量豬骨，每日熬六至七小時而成，期間每十幾分鐘就要攪拌以防止燶底。又如另一款蕃茄湯底烏冬，不加茄膏，靠新鮮蕃茄及少量牛肉熬成，配幼滑稻庭烏冬，黑毛豬豚肉片，才$60有找，味道不是驚為天人，以真材實料取勝。
全店最貴的一款拉麵也只是$68，已經吃到靚牛加心機湯底。
餐廳暫時未有資源請兼職，Ken每日朝十晚十駐店工作，有時非不得已都要勞煩爸爸媽媽來店幫手洗碗碟，切蕃茄，備食材等。默默付出也有回報，早排經過傳媒報道，試過一日賣了接近一百碗麵，「成煲湯都清哂，嗰日真係好攰，不過見到有客會讚會回頭再幫襯，真係好滿足。」Ken笑言待生意穩定下來，就會研發他最喜歡的蝦湯拉麵。
心機位是茄湯以新鮮蕃茄及牛肉熬成，不加任何茄膏或添加，酸得天然。
以鰹魚汁及蝦米仔熬一個半鐘成湯底，配魚腐，蘿蔔及冬菇，夠清甜。
麵屋一鳴
地址：大角咀中匯街52號地舖(地圖按此)
電話：92942508
全新訂座平台「Yahoo訂餐廳×Openrice」正式上線！
更多大角咀美食推介
大角咀美食︱新鮮花甲粉小店聚椒$54起食到！四小時豬骨湯底+日用廿斤花甲
大角咀美食︱韓國小店Cup Bop屹立十年 夫妻檔打理 最平$68/六件去骨炸雞
本地名廚與新泰籍主廚聯手坐鎮Sawadee Chef 必食足料特濃船麵/泰式炸流心蛋/清邁咖喱雞腿麵/泰式青檸蒸龍躉球
Crumbled英國過江龍開到大角咀 百搭Crumble脆脆杯專門店 十四款配料任選
大角咀美食︱燒雞專門店辣雞製造 十款醬料任揀 雞拼盤+酒糟雞子+辣椒雪糕
大角咀美食︱泰國媽媽主理 $50三餸飯！$10碗足料冬蔭功湯
大角咀美食︱蚊型小店馬來椰爺！自炒無味精叻沙醬摻摻+惹味叄巴咖喱湯麵
自助餐優惠｜大角咀60分鐘素食自助餐半價低至每位$34 外賣任選菜式餐盒只需$30
大角咀美食│清新café任坐不設時限！店主：客人都很體貼及自律
大角咀美食│台式火鍋放題店犇殿新推一人鍋！二人豪華下午茶+台式定食
大角嘴美食│良心餃子店$10四隻爆餡煎餃！疫情下每月蝕錢堅持不加價
【大角咀美食】浪漫韓式咖啡店My Ahjussi 咖啡師唇語解讀幸福秘方
【大角咀美食】晚市$38/碗酸菜魚？二人份量 每枱限叫一份！
【大角咀美食】Lunch午餐推介5間：咖哩牛坑腩麵+即包山東墨魚餃+迷你麻辣香鍋
【大角咀美食】抵食印度素菜館！$20印度煎餅？店主：捱唔到就可能唔做
【大角咀美食】超平民隱世壽司店！$22海膽壽司+$9三文魚腩壽司
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
