雅虎香港新聞 大角咀美食︱茶記師傅開小店做港式奶茶特飲 焦糖燉蛋配奶茶+100%椰奶沙冰 奶茶舖都有omakase
大角咀有間以港式茶飲為主角的小店，由一位十多年經驗的奶茶師傅主理，餐牌上有一款自創特飲，以焦糖布甸配港式奶茶！即睇Yahoo Food專訪：
「老師傅唔會教你㗎……好似茶要夠熱，撞茶要夠快，都係自己睇返嚟。」鳩沖店主「三叔公」
天時暑熱，行街時不能無凍飲在手。近年大家都慣了飲台式茶飲，以及越開越多的國內茶飲店，有無諗過土炮凍飲一樣解暑又有創意？大角咀小街晏架街這間外賣飲品店「鳩沖」，店主「三叔公」就有同感：「近年發現一街都係國內檸茶舖，或台式茶飲店，搵唔到香港特色嘅飲品，就決心想試一試。」
👉🏻全新Yahoo Food Instagram上線啦！立即Follow獲取更多飲食攻略
茶餐廳二代 開舖做心水奶茶特飲
自稱「三叔公」的店主是個80後，父母在西環開了十多年茶餐廳，十來歲的他已在茶記幫手：「啲老師傅唔會教你㗎，但係你可以從旁邊睇邊學，好似茶要夠熱，撞茶要夠快，都係自己睇返嚟。」後來他想跳出舒適圈，到外面闖闖，始終鍾情茶餐廳的水吧，「沖下沖下」，就做十多年水吧師傅。今次開自己餐廳，「三叔公」當然把心水都放進餐牌，像奶茶茶底，他用四款茶葉調成，比一般茶記落得重手，「咁我賣得貴啲，足料啲都應該呀。」
焦糖燉蛋配港式奶茶 $39飲到奶茶omakase
打著港式飲品旗號，飲品店當然不只買簡單的凍檸茶、凍奶茶等，不少飲品都加入創意，像一款招牌「厚燒蛋糕港式奶茶」，用奶茶為基底，面頭加一層自己打成的甜忌廉，再以火槍炙燒表面至微微焦糖化，入口有像吃焦糖燉蛋cream brulee的感覺！有新意又好飲。奶茶底無加糖，所以飲時要先把面頭的甜忌廉與奶茶拌勻，甜度剛好，又飲到茶香及點點焦糖微甜。還有一款「楊枝甘露」的飲品版，自製芒果汁底，加西柚肉、芒果粒調成，質地濃稠，酸甜平衡，夠哂消暑。不過要說menu內最特別的，定是一款「三叔公發辦」！亦即小店的omakase特飲，款式每天轉換，由三叔公決定， 像採訪當日就是「紅豆焦糖布甸奶茶」，三叔公坦言沒有什麼規矩可言，就是把自己覺得適合的都調成飲品。有熟客甚至不會問當日「發辦」是什麼款式就order，非常有驚喜。
如果嫌奶茶heavy，想輕型一點，這裏也有4款沙冰，當中一款椰子沙冰，100%以椰奶及冰打成，夠清甜refreshing。小店只設一款「飛碟」(三文治)，也是店主個人最愛，有火腿/芝士/咸牛肉/炒蛋/粟米/吞拿魚，自選兩款配搭，親民貼地，不花巧，甚有土炮風格。
酸甜平衡，芒果足料，像飲完一杯新鮮芒果汁一樣甜。
配搭每日不同，像採訪日就是「紅豆焦糖布甸奶茶」，飲品如其名，就是紅豆，加一件焦糖布甸，再加奶茶底，既是特飲又像甜品，以茶香平衡紅豆及焦糖布甸的甜味。
即是椰子沙冰，以冰粒及100%椰奶打成，再在表面灑上椰子碎，滿滿椰子清香。
即叫即製的飛碟，配料可從芝士/火腿/吞拿魚/咸牛肉/炒蛋/粟米中自由配搭。
鳩沖
地址：大角咀晏架街4號麗華中心地下3B號舖(地圖按此)
電話：從缺
全新訂座平台「Yahoo訂餐廳×Openrice」正式上線！
更多大角咀美食推介
大角咀美食︱大角咀「那個」開副線甜品店！二人份量巨無霸芒果奶冰+蜜糖愛玉配士多啤梨乳酪
大角咀美食︱韓式簡約風cafe 牛油果大蝦酸種麵包 + 海鹽忌廉咖啡
大角咀美食︱草本咖啡café自製陳皮醬latte+桂花latte 另有牛油果漢堡
大角咀美食︱廿三歲仔開拉麵舖 麵屋一鳴最平$55食到雞白湯拉麵 店主:唔想一碗麵都賣咁貴
大角咀美食︱新鮮花甲粉小店聚椒$54起食到！四小時豬骨湯底+日用廿斤花甲
大角咀美食︱韓國小店Cup Bop屹立十年 夫妻檔打理 最平$68/六件去骨炸雞
本地名廚與新泰籍主廚聯手坐鎮Sawadee Chef 必食足料特濃船麵/泰式炸流心蛋/清邁咖喱雞腿麵/泰式青檸蒸龍躉球
Crumbled英國過江龍開到大角咀 百搭Crumble脆脆杯專門店 十四款配料任選
大角咀美食︱燒雞專門店辣雞製造 十款醬料任揀 雞拼盤+酒糟雞子+辣椒雪糕
大角咀美食︱泰國媽媽主理 $50三餸飯！$10碗足料冬蔭功湯
大角咀美食︱蚊型小店馬來椰爺！自炒無味精叻沙醬摻摻+惹味叄巴咖喱湯麵
自助餐優惠｜大角咀60分鐘素食自助餐半價低至每位$34 外賣任選菜式餐盒只需$30
大角咀美食│清新café任坐不設時限！店主：客人都很體貼及自律
大角咀美食│台式火鍋放題店犇殿新推一人鍋！二人豪華下午茶+台式定食
大角嘴美食│良心餃子店$10四隻爆餡煎餃！疫情下每月蝕錢堅持不加價
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
