江若琳尖沙咀自炒 事故發生地點被惡搞變「江若琳灣」

江若琳（Elanne）上周五喺尖沙咀加連威老道發生交通意外，「自炒」導致座駕向左翻側，江若琳受輕傷及清醒送院治療，當晚已可出院。對於今次江若琳嘅交通意外，除咗引起網民激烈討論之外，有網民更極速喺Google Map將事故發生地點標出了「江若琳灣」。

經歷交通意外後，江若琳出兩個PO更新狀況，分別寫道：「各位唔好意思🙏🏻 令大家擔心了，報一報平安先，雖然頭先真係好驚，但檢查完身體只係輕傷，撞到個頭，我出左院了。多謝所有救援人員，包括熱心市民，第一時間衝出黎合力救我出車外，呢一刻發覺咩都唔重要🩷平安無事 回家與家人團聚最重要🙏🏻」及「經歷咗尋日,今日終於冷靜返落嚟,繼續我最愛嘅崗位,一張合照來得更加珍貴,感恩有家人有大家❤️#感謝每一位關心同問候🫂🫂#人間有很多愛🥹#希望我既人生唔好再咁crazy🥲 #平安是福❤️」。

江若琳嘅交通意外發生後，一班網民隨即議論紛紛，留言「咁慢入彎都可以反車？？」、「好大機會系～揸車玩電話📱 ～！」、「最緊要人冇事」、「傷情路」、「呢架乜嘢車？咁慢晾壆都反？」、「咁慢都炒到車」、「條燈柱好慘, 一定喺好痛啦」、「似分心睇電話出事」、「好彩途人冇事」及「江若琳過不到的彎」等等。另外，有網民更極速喺Google Map將事故發生地點標出了「江若琳灣」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！