袁潔瑩開party慶祝入行40年 面型略陷嶙峋玉手再成焦點
八十年代以「開心少女組」出道嘅袁潔瑩Fennie，近年少有作品推出，而佢去年喺抖音開專頁，不時分享美食同生活片段。由於袁潔瑩多年前曾罹患厭食症，大家都好關心佢嘅健康狀況，舊年Fennie親身上陣拍片感謝fans嘅片段，就被網民見到Fennie身型瘦削，擔心佢再次暴瘦，紛紛留言希望Fennie健康快樂。
今年係袁潔瑩入行40年，一班影迷日前為Fennie舉行慶祝派對，曾經同容祖兒傳過緋聞嘅日本飲食才俊Meter陳方藤亦係賓客之一。Meter分享咗當日嘅照片，並寫道「我是相信緣份的，恭喜入行40周年」╴，照片中袁潔瑩挨住Meter，二人似乎交情匪淺。
而喺照片所見，袁潔瑩相當精神，但係見到雙顴略陷未及從前飽滿，玉手更見有些微嶙峋。當晚另一fans都有上載照片，Fennie就睇落精神得多，而同一位fans仲搵埋TVB前花旦陳慧珊「集郵」。派對當晚播放以袁潔瑩歷年作品剪輯而成嘅片段，睇到fans相當開心。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
