愛‧回家｜周嘉洛吳偉豪回歸 網民直言終於等到 其餘劇集播出無期？

周嘉洛和吳偉豪早年憑TVB處境劇《愛‧回家之開心速遞》飾演「金城安」及「朱凌凌」角色成功入屋，上位不久已被TVB調離《愛‧回家》劇組，外出拍攝其他劇集，令觀眾大感不捨。日前，周嘉洛和吳偉豪回歸劇組，吳偉豪於12月10日播出第2444集出場，與周嘉洛演繹好兄弟感情生變嘅情節，網民紛紛留言指終於等到佢哋回歸。周嘉洛和吳偉豪雖然早年因拍攝其他劇集而暫時離開《愛‧回家》劇組，但據悉因TVB與內地串流平台優酷於年初簽署擴大合拍劇合作協議，令TVB自家劇播放無期，當中包括去年佢哋兩位有份拍攝嘅《痞子無間道》（《痞子殿下2》）、《非常檢控觀》。

《愛‧回家之開心速遞》日前播出一集，講述朱凌凌（吳偉豪飾）喺外國返嚟，金城安（周嘉洛飾）發現凌凌有唔少變化及刻意避開自己，令佢百思不解又感到失落，喺大家追問下，凌凌坦白表示已長大成人，唔想再有太黐身黐勢；唔少網民留言呢集有《愛‧回家》嘅感覺：「終於等到朱凌和安仔回歸愛回家了，愛回家又回復好歡樂的時光了」、「今集先有返愛回家的味道」、「我可以講我已經無睇《愛回家》好久，因為這集返來睇，正！笑死」、「終於翻來啦！可以繼續追啦」、「有佢哋兩個又真係好睇啲」等等。

周嘉洛《萬千星輝頒獎典禮2019》中憑《愛．回家之開心速遞》廢青「金城安」一角奪得「最佳男配角」獎項，備受力捧，以24歲之齡成為歷年最年輕得獎者，及後「升呢」擔任古裝喜劇《痞子殿下》男一，大晒喜劇細胞，又獲網民讚有星爺（周星馳）影子；之後又喺《萬千星輝頒獎典禮2019》憑《痞子殿下》「紀威」一角勇奪「最受歡迎電視男角色」，兩度打破紀錄。

吳偉豪投考TVB第28期藝員訓練班而入行，曾連續3年獲提名「飛躍進步男藝員」，終於喺《萬千星輝頒獎典禮2022》擊敗黃庭鋒、林景程等人奪得「飛躍進步男藝員」獎項。吳偉豪近年有份拍攝《飛常日誌》、《非份之罪》、《非常檢控觀》等劇集，僅《飛常日誌》已播出，其他劇仍播出無期。今年7月份，吳偉豪與周嘉洛到台灣為劇集《武林》拍攝，二人穿上肉色內褲扮全裸被一班人追打，被網民野生捕獲並拍攝照片放到社交平台，網民激讚二人身材大隻，又指佢哋犧牲好大。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！