張寶兒曬兒子「袁咕碌」學行影片大讚囝囝學習能力快 意外曝光二千呎豪宅內部

袁偉豪（Ben）與張寶兒（Bowie）於《2016香港小姐競選》結緣，後嚟一齊拍攝《打工捱世界II》擦出愛火花，拍拖3年後2020年結婚，二人聯名以逾6,568萬元購入西貢清水灣傲瀧一個2千多呎連花園複式單位，首期由張寶兒爸爸一炮過畀4千萬首期當作結婚禮物。

袁偉豪與張寶兒婚後入住愛巢；據悉，二人購入之單位實用面積2,205平方呎連568平方呎私人花園。去年袁偉豪於家中拍片整pizza，意外曝光豪宅內部，其開放式廚房空間感極高，更有嵌入式焗爐、Pizza焗爐、意式咖啡機等設備；牆身掛上嘅巨型合照亦成為焦點。日前，袁偉豪與張寶兒兒子「袁咕碌」袁晞祐迎來1歲生日，二人為兒子舉行盛大派對慶祝生日；張寶兒又於為兒子開設嘅IG賬戶分享「袁咕碌」於屋企花園和客廳學行路嘅片段，再次曝光豪宅環境。張寶兒分享「袁咕碌」兩日前與兩日後嘅學行路情況，從影片中見到，花園望向山和樹，環境清幽，園內栽種唔同植物，完全無任何雜物；張寶兒最初用手傍住用四輪車仔助行嘅「袁咕碌」，其後放手任佢自己行，寫道：「兩日前，媽媽手把手同你鍛鍊20分鐘，腰骨都伸不直了，兩日後，竟然見到你已經自己行起來，仲識轉彎，孩子學習力真快！」

另外，於影片片尾，「袁咕碌」喺客廳內舖滿軟墊嘅並用圍欄圍住嘅位置學行。然而，過往袁偉豪與張寶兒愛巢中嘅客廳部分其實已經曝光過，客廳裝潢簡約，地下鋪上淺色地毯、設有60吋大電視和Hi-Fi喇叭，如同小型電影院。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！