王賢誌破產︳富二代星級親戚多 鄭嘉穎向海嵐同佢咩關係？

圈中知名富二代王賢誌傳出因為財務困難而要申請破產，更有指涉及金額達到300萬。Vinci之後喺facebook出post寫道「關於這個艱難的決定，是我本人經過深思熟慮及徵詢多方意見之後慎重作出」，又形容「如果人生的不同階段就有如天氣一樣，肯定我將要迎接一段嚴寒的日子，不過對於未來，我必定不會放棄，繼續積極及堅強面對」。但由於已進入司法程序，王賢誌未有再作交代。

54歲嘅王賢誌，佢爺爺係上市公司王氏港建創辦人王華湘，而父親就係王氏港建前主席王忠桐，有傳家族資產超過30億港元。家境顯赫非凡以外，王賢誌原來仲有多位星級親戚。

外界知道王賢誌同鄭嘉穎係表兄弟，可能係因為王賢誌過去出post指某位藝人「幕前幕後兩個樣」、「日久見人心」，令呢段「關係」曝光。有報導指，鄭嘉穎嘅婆婆係王賢誌的爺爺個妹，即係姑婆。

而王賢誌仲有個表姨，係細佢幾年嘅港姐向海嵐。「向海」1998年當選港姐後加入TVB，當時Vinci仲喺大台，但兩個人並唔知同對方係親戚，直到2005年先至發現原來係有淵源。

仲有另一重關係比較「隔涉」，原來王賢誌妹妹王賢慧嘅老公張瑞燊，係周勵淇、周汶錡兩姊妹嘅表兄弟。

至於王賢誌嘅堂弟王賢訊，去年曾參加TVB《中年好聲音2》並打入100強，不過第一圈就被淘汰。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！