張敬軒機場快閃表演 為聖誕許願樹亮燈送節日祝福

聖誕節除了是每年旅遊高峰假期之一，更是充滿愛與互相傳遞祝福的節日。昨日（21日）張敬軒現身機場為聖誕許願樹作亮燈儀式的表演嘉賓，帶來節日的喜悅和歡樂。

聖誕許願樹啟動禮，張敬軒，與兒童合唱團於機場展開一場聖誕快閃表演，演唱多首動人心弦的經典聖誕金曲，包括《Deck The Halls》、《Hark the Herald Angels Sing》、《We Wish You a Merry Christmas》等，悠揚悅耳的歌聲貫穿整個機場，吸引眾多旅客圍觀。軒公表示：「好開心第一次喺機場離境大堂唱歌，透過大家對旅行嘅共同理念，希望喺聖誕佳節將節日嘅歡樂，同 positive 嘅 energy 帶畀旅客，所以就一齊 co-create 咗今次嘅表演，連繫香港及世界各地嘅旅客。我哋特意挑選咗耳熟能詳嘅聖誕歌，同大家一齊慶祝聖誕並送上祝福。」

對於有沒有外遊的計劃，軒公笑言：「本身諗住完咗呢個快閃聖誕表演之後，直接出發旅遊，最終因工作關係而打消念頭。張敬軒更表示哥本哈根是其中一個最想去的地方，因為自己很喜歡北歐的城市，特別是當地的傢私設計。