袁詠儀張智霖一家三口旅行 魔童遺傳優良基因高顏值獲激讚

圈中模範夫妻袁詠儀（靚靚）同張智霖（Chilam）結婚23年，婚後育有一子張慕童（魔童），喺11月12日生日既魔童唔經唔覺已經18歲喇！魔童青靚白淨，高大又靚仔，完全遺傳晒父母優良基因。

近日袁詠儀喺社交網站上載一家三口去日本旅行照片，照片中嘅靚靚同Chilam都素顏上陣，睇落皮膚狀態相當之唔錯，凍齡有術。而坐喺中間嘅魔童著上綠色外套，雖然戴上口罩，不過濃眉大眼加上中長髮，俾人一種日系型男感覺。唔少網民都留言到魔童嘅高顏值，紛紛留言大讚佢靚仔，例如「魔童眼睛好似爸爸，但係又覺得似媽咪…基因真好」、「全家顏值爆表 兒子基因優秀」、「魔童這顏值，不得了了」、「超有顏的一家人」、「魔童有金城武的帥氣感～」、「魔童好靚仔眼睛似靚靚~眉目眼神似爹地！」、「魔哥有點太帥了」、「靚靚姐！你兒子也太帥了吧！」、「孩子一副明星相」、「好靚仔啊啊啊啊，高顏值一家！」、「魔童驟眼看以為是金城武」及「兒子超帥的」等等。另外，早前魔童18歲生日，靚靚喺微博上載仔仔BB時期嘅照片，樣子非常可愛，盡得父母優良基因！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！