麥長青黃智賢組男團「Hey Brother」 5成員平均年齡55歲 網民：人氣有望超越LOONG 9
麥長青率領黃智賢、曹永廉、唐文龍於去年組成「區區有叔叔隊」參加由李思捷主持及監製嘅《思家大戰》，對戰由甲一籃球隊香港東方球員組成嘅「香港東方」隊。麥長青、黃智賢、曹永廉、唐文龍連同李思捷更喺去年年初一傾情演繹2023版《祝福你》，獲得滿滿好評，被網民大讚。據悉，5位即將組成男子組合「Hey Brother」，暫時已錄製多首歌曲；雖然5位成員平均年齡55歲，但風趣又唱得，人氣有望超越Super Tiger及LOONG 9。不過都有部分網民對於呢個組合嘅出現感到不解：「仲叔叔，呀伯都黎緊」、「成班就嚟$2車」等等，有網民回應「$2車」言論，表示：「有一個已經係，睇落去最後生嗰個（曹永廉）」。
5人早前已為新歌到廣州拍攝海報及MV，喺拍攝過程中，佢哋近乎頭貼頭咁抱緊對方。此外，日前（18日）為麥長青56歲生日，其餘4兄弟都有應邀出席佢喺廣州舉行嘅生日派對，仲搭晒膊頭影大合照，老友鬼鬼。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
