星光背後｜曾樂彤低調離巢轉戰獨立歌手 公開承認與MIRROR音樂監製的戀情：徐浩係一個信得過嘅人

現年30歲，2017年由「氣質女神網紅」獲英皇娛樂青睞，2018年變身歌手曾掃樂壇新人獎的曾樂彤，去年低調約滿離巢後，今年轉戰獨立歌手行列。先後自資推出兩首作品的曾樂彤，為最新派台作《Click Me》接受雷霆881商業一台《星光背後》專訪。節目中，曾樂彤除了披露獲新人獎後經歷迷惘期，因面對疫情工作漸減，不想再處於被動等待外。亦首度公開承認與MIRROR音樂監製徐浩(Terry)的戀情，談及前度游學修，又或是現在的男友徐浩，曾樂彤否認是「才華控」，她甜絲絲說：「徐浩係一個信得過嘅人。」

中六已經是One man band網紅的曾樂彤坦言轉戰歌手奪新人獎後，反而感到迷惘，「好坦白講，當時我係一仆一碌，唔知入咗行咩係應該，咩係唔應該，攞咗獎後都唔知嗰陣時自己做緊啲乜。」簽約5年間，她感激團隊已努力讓她嘗試不同曲風，惟之後因數年疫情面對派歌漸減，令她萌生要reset轉變，「收入減我無擔心，入行前我己儲咗老本，我好慳花錢唔多。但我係一個唔甘心坐響度等嘅人，要不斷去搵嘢做，就開始咗填詞，我係一個經常性要郁既人，如果唔係我會發癲。最初都唔知工作停咗，後來回望先發覺，都有問公司再出歌，佢地話：『會架！』的確都有出，只係最尾兩年無啫。」她重申離巢只是不想等待求變，與前公司關係依舊良好，尤其是與一眾藝人，她感激今年自資推出兩首作品時，前師姐容祖兒或蔡卓妍等，都有第一時間留言點讚協助網上宣傳。

談及出道首張EP，又或是今年自資的兩首作品均由MIRROR監製徐浩打造，節目中，她首度公開承認與徐浩已交往了數年，「是大約2018年幫我監製完《躲不開一課》後，我哋合作咗兩次網上cover歌，佢表白我地先開始。」至於去年戀情被報章披露，更指MIRROR十二子叫她「阿嫂」，她激動澄清說：「假架！MIRROR全部成員都無人知呢件事，又影唔到相，夾硬報呢段新聞架！」對於入行被揭曾戀創意十足的游學修，今天又承認與音樂才子徐浩交往，曾樂彤卻否認自己是「才華控」，「我冇特定嘅類型㗎，以前朋友曾經因為我前度堅稱我係睇樣，其實我最重視嘅，都係大家相處，溝通到好重要。」

至於徐浩最初給她的印像，曾樂彤笑言：「佢係我第一個監製，對於我嚟講佢係一個老師同長輩。(因為佢大你12年？)哈！聽到呢個訪問佢會崩潰，實俾佢話。」曾樂彤稱從來對感情專一，指初入行二人合作，各有所愛時從沒半點仰慕之情，而二人2018年再次合作，她看到當時失戀的徐浩怎樣認真對待感情，令她對這音樂上的伙伴刮目相看，「佢係一個好簡單嘅人，工作期間唔會同人講多半句嘢，好專注於工作，但原來私底下更是一個暖男，我見過佢單身時的苦樣同傷心樣，由於佢的專情，我更認定徐浩係一個信得過嘅人。」