62歲關之琳抖音影片風采依然 霸氣話：我願意為我的錯誤買單

有「香江第一美人」之稱嘅62歲關之琳不時於社交平台分享生活和情感影片，均被讚保養得宜，美貌如昔。關之琳亦被指係圈中富婆，有傳身家超過5億，喺過往嘅抖音影片中，意外曝光價值1.5億嘅三千呎豪宅嘅內部環境。

日前佢喺抖音上載影片，換上新髮型及著上白色冷衫嘅佢風采依然，霸氣地話：「我願意為我的錯誤買單，但我不後悔我做的任何決定，我從不懷疑自己的眼光。如果事與願違，是我能力不夠。」影片出街後，隨即引起網民熱烈討論，除咗大讚佢好靚及普通話好好之外，仲認同佢嘅講法「人真的很難，不後悔自己的決定，能戰勝自己的灑脫，美女真的厲害」、「老姐說得有道理，支持你」、「有擔當 ! 特別是為錯誤買單 ! 值得點讚」、「你說了我亦釋然了，你我之間誰都沒錯，只是時間不湊巧」及「沒有什麼可後悔的事，前世今生都是修行」等等，不過亦有網民好奇佢係唔係指過去成為第三者嘅風波。

關之琳曾經喺節目《今夜不設防》中提及感情生活，坦承表示自己咩嘢男人都試過，有女朋友或結過婚嘅男人都試過，自己亦咩都試過及做過，結婚及離婚佢亦試過。另外，佢喺幾年前接受傳媒訪問時亦有坦承表示曾經傷害到其他人，兼間接講係富商馬清偉主動追求佢。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！