羅天宇陳懿德疑秘撻逾一年 為氹女仔買雪糕夜訪女方住所

羅天宇（Joey）曾公開承認與林芊妤（Coffee）、苟芸慧及湯洛雯拍拖，並先後與多位TVB花旦傳出緋聞，例如蔣家旻、戴祖儀、陳瀅及何依婷等等，因而被封「女神收割機」。羅天宇與細11歲嘅陳懿德多次傳出緋聞，有指二人已秘撻一年，陳懿德當時向傳媒透露，指與羅天宇係好朋友，大多數都係一班人食飯或者玩；羅天宇則曾回應指跟對陳懿德係好好嘅朋友，唔開劇時有見下面，但基本上係一班人食飯，二人口供一致。日前，有報道指羅天宇與陳懿德真係搭上咗，孖住出活動時情不自禁喺暗角「咿唈」。

羅天宇和陳懿德因熱愛打籃球，雙方志趣相投而結緣，有指去年陳懿德打波致韌帶撕裂，羅天宇關懷備至，因而贏得陳懿德歡心。當日出活動期間，二人除咗密密偈之外，羅天宇不惜蹲低幫陳懿德搵角度影相，相當貼心。據悉，羅天宇於另一日出席活動後，立即開車到陳懿德位於元朗嘅單位相聚，途中疑似陳懿德一個電話話想食雪糕，羅天宇就到附近便利店購入多款口味雪糕，氹女仔一流。

有指，羅天宇與陳懿德因正值事業搏殺期而玩地下情，但其戀情於朋友圈中已是公開秘密，從過往大合照中都見到羅天宇，例如陳懿德2022年邀請好友到其元朗豪宅開派對，主要賓客為聲夢學員，但卻見到無關痛癢嘅羅天宇出現；去年7月，又曾先後分享到海洋公園擔任「一日企鵝飼養員」餵企鵝嘅照片。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！