舞台劇《香港式離婚》昨晚正式公演 子華嘉玲首度同台合演冷戰夫妻 對白連珠爆發精彩啜核
由陳淑儀執導、黃詠詩編劇，黃子華、劉嘉玲、楊淇、楊詩敏（蝦頭）、梁浩邦及趙伊禕主演的舞台劇《香港式離婚》，一連58場，昨晚正式公演。一眾娛樂界名人包括梁朝偉、林青霞、張叔平、古巨基、梁詠琪、張繼聰、謝安琪、蘇施黃、金燕玲、蔡一智、袁詠儀、周汶錡、上山詩鈉、丁子高、王大陸、蔡思貝、陳志雲、何爵天導演等親臨觀賞首演，星光熠熠。
黃子華於謝幕時感謝現場觀眾看得投入：「我覺得我哋做舞台劇，好少會喺演完一場戲嘅時候聽到觀眾拍手掌，有啲似『大戲』feel，係有文化嘅觀眾先做到！」他又指自己為了這部戲做了兩件好成功的事，「我呢世人好少做嘅，就係Sales推銷員，而我係成功Sell咗呢部戲畀劉嘉玲。」 他憶述當時跟劉嘉玲於China Club見面：「我哋一路飲茶，我就一路對住佢狂講『呢套戲好睇呀！好睇呀！好睇呀！』，然後再利誘佢演呢部戲唔使戒酒，因為我哋喺台上都有得飲！」嘉玲笑不攏嘴地表示：「日日都有得飲，真係好開心！」子華隨即展示手上的威士忌鐵盒：「係真酒嚟㗎！大家唔使緊張，出面有得賣（指舞台劇紀念品）。」全場聽罷捧腹大笑。子華繼續Sales上身：「你哋今日睇咗《香港式離婚》， 但《香港式離婚》真正的味道係點呢？ 我今晚做完Sales喇，多謝大家！」精彩推銷示範引得全場拍爛手掌！
