最強小三「五索」鍾睿心與馬清鏗越愛越高調 曬愛心餐網民大感羨慕

網紅「五索」鍾睿心（Rachel）被爆與已婚大生銀行主席馬清鏗暗交9年，兼為男方誕下4名孩子。婚外情曝光後，五索反而愈來愈囂張，與馬清鏗亦愛得高調；五索接受網台節目《絲打圍爐》就直認係貪錢先同馬清鏗一齊，每生一個小朋友就會分到錢，被譽為「最強小三」，又被指係拜金女嘅學習對象。

五索不時分享與馬清鏗嘅拍拖生活，日前po出到瑞士旅遊嘅短片，從短片中見到，身穿一件頭泳衣嘅五索於泳池中享用飲品，原來呢趟旅行係同馬清鏗一齊去嘅，就連網民都表示五索睇起上嚟心情極好。

另外，五索又分享另一段短片令一眾網民相當羨慕。短片中，五索捧住一碗由馬清鏗煮嘅麵試食，寫道：「富商A的傑作。」五索更加嘲笑對方煮咗半個鐘：「嘩，好味呀！原來bacon可以烚㗎！腸仔煎爛都可以，好好味嘅湯麵。」五索表示即使家中有5，6個工人，馬清鏗間中都會為佢親自下廚，但佢就表示：「食親都肚痾。」雖然馬清鏗煮嘅麵賣相普通，加上五索嘅形容，估計應該都唔係太好食，但唔少網民都留言表示羨慕：「馬生肯落心機去煮，其實好幸福喔」、「笑死我，食曬碗嘢一定係真愛」、「好幸福，有個男人咁有錢都仲咁錫我煮早餐比我，死而無憾」、「睇你個樣就知好正，要感恩啊，難得男人願意下廚，都係一種幸福嘅事，你同佢一齊研究下點煮再好啲囉」、「馬生有工人用都仲要自己親手煮，呢啲絕對係真愛嚟」、「賣相唔太好，但甜蜜度十足」、「好幸福！有個男人好想煮嘢俾你食，証明佢真心愛你」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！