雅虎香港新聞 灣仔美食︱外賣店流髀日賣過百隻生炸雞髀！印尼香料醃雞 超抵食$36雞髀飯餐
灣仔這間以三國時代為概念的外賣小店，店主會打扮成三國人物關雲長，店內主打生炸雞髀，每隻雞髀都會炸三次，雞髀飯套餐賣$36，認真抵食！即睇Yahoo Food專訪：
要說生炸雞髀好在哪裏，先要明白不是生炸的雞髀有何優劣。生炸雞髀，可以是先蒸後炸，或先滷煮後炸，總之就是先把原隻雞髀加熱至熟透，最後才快落油鑊炸一次。好處是慳時間功夫，確保肥大肉厚的雞髀全熟，又能有香脆雞皮。壞處是，這樣做的雞髀，肉汁會大量流失，皮脆沒錯，但肉偏乾身甚至嚡口。要做生炸雞髀，心機時間都加倍付出，會做的店已經買少見少。因此當坊間一有新店標榜賣生炸雞髀，本身已是一大賣點，最近一間就出現在灣仔合和中心對面。
【立即讚好】全新 Yahoo Food Facebook 專頁
「關二哥」店主 重現童年之味
小店名「流髀」，自稱「關二哥」的店主會身穿古裝，站在收銀機前幫你落order，店門前又放了一部據說是赤兔馬的單車，大小細節都加入三國時代玩味元素。店主說很懷念小時後吃快餐店的漢堡包，薯條及雞髀簡單的快樂，長大後卻難以尋獲，因此想開店重現童年味道，以平價小食為主打。
印尼配料醃雞髀 每隻炸三次
店主家族是印尼華僑，有自家配方醃製雞髀：「我哋大概三至四個月會入一次香料，用兩三種去醃雞髀，一定熱過夜，才夠味。」這印尼香料，除了拿來醃雞，也會直接放在油鑊中提味。「唔好見炸油深色以為我哋冇換油，炸油每日都會換，深色只係因為加咗香料。」他補充。
炸法也講究，每隻雞髀都要炸三次，頭兩次以中至高溫炸，中途要翻一次身，炸的時間較耐，確保雞髀完全熟透而不會過火。至於第三次，溫度要拿捏得準確，以接近190度高溫快炸，把雞皮炸得脆卜卜而不流失肉汁。炸髀連鹽都不用灑就已經夠味，雞皮雞肉間還滴出雞油肉汁，做得juicy，難怪至今已經試過日賣過百隻。炸髀$28/隻，$36就有炸髀飯餐(連飲品)，這直逼兩餸飯的價錢，同區而言絕對是超抵食。灣仔上班族不想逼地方吃lunch，以後又多一個選擇了。
流髀
地址：灣仔皇后大道東182號順豐國際中心地下3號舖(地圖按此)
電話：53485843
延續閱讀：生炸雞髀〡10大最強炸雞髀合集！屯門很得輝小食/三多/牛頭角隱世快餐店
全新訂座平台「Yahoo訂餐廳×Openrice」正式上線！
更多灣仔美食推介
灣仔美食｜「和昌飯店」推點心下午茶套餐 即叫即蒸點心$268起！必試雨前龍井蝦餃/冬蔭功海鮮生煎包
灣仔美食︱全新現代居酒屋OZAKAYA 期間限定頂級魚子醬加配/午市套餐$188起
灣仔美食︱抵食港式鐵板扒店「滿地餐廳」$88食到Prime牛柳餐
灣仔美食│灣仔午餐必食推介5間！新景園咖喱豬扒飯/米芝蓮越南牛河/川式點心放題
Baked灣仔開分店！中環超人氣Brunch 必試肉丸、牛扒酸種麵包+高質肉桂卷
灣仔美食｜全新AKI酒店餐廳TAMGRAM！Happyhour買1送1優惠/創新日本x西班牙Japas
灣仔美食│潮州人灣仔開分店！太子小店名物花膠撈米、大蜆湯米粉7月進駐港島
灣仔美食｜越南人主理！生牛肉河牛骨湯底熬足十六小時 家庭秘方豬油炒香料
灣仔甜品│30年晶晶甜品搬店後即遇第五波 店主：每日都係打擊 但都要頂硬上
灣仔美食│十兄弟車仔麵店推$9隻鮑魚 必點招牌慢煮牛坑腩+彈牙牛筋
傳統美國菜Dan Ryan's Chicago Grill登陸灣仔利東街 上等和牛漢堡包/自家製醬汁/限定免費炭烤8安士牛扒
Mercato Gourmet灣仔重開！蔡瀾至愛意大利食材店 必買意大利紅蝦＋火腿芝士
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
