盧宛茵再拍TVB劇 曾被導演針對指住鬧 坦言唔記仇但未必合作到

人稱Madam盧宛茵係TVB資深藝人,不過近一年Madam未有參演TVB劇。新劇《俠醫》尋日舉行記者會,有份出席嘅盧宛茵透露將會演陳豪嘅媽媽,而且角色性格友善係慈母一名,同以往做惡死奶奶好唔同,反而好考演技。

新劇《俠醫》尋日舉行記者會,盧宛茵透露將會演陳豪嘅媽媽
新劇《俠醫》尋日舉行記者會,盧宛茵透露將會演陳豪嘅媽媽

去年盧宛茵透露拍劇被導演針對,搞到佢要掟嘢洩憤。今次「重返」TVB,Madam被問有冇受上次衝突影響,佢就話冇再遇到嗰位導演,而且自己唔記仇,但就明言同該導演未必合作到。盧宛茵話假如要再同對方合作都冇問題,畢竟唔係十冤九仇。

盧宛茵喺《隱門》嘅演繹,被網民盛讚「眉毛都識做戲」
盧宛茵喺《隱門》嘅演繹,被網民盛讚「眉毛都識做戲」

盧宛茵去年受訪時透露為劇集《非份之罪》其中一個單元演出。Madam話第一日開工就被導演挑剔,拍到第5日導演又再玩嘢,叫助導(PA)召佢過去翻睇演出,然後一路睇一路鬧「睇吓你啲戲?」、「啲戲唔係咁做㗎嘛」。

《非份之罪》入面徐榮及陳煒飾演Madam嘅仔同新抱。
《非份之罪》入面徐榮及陳煒飾演Madam嘅仔同新抱。

後來導演同盧宛茵再因劇本演繹方式出現意見不合,忍足咁多日盧宛茵終於爆seed,隨手拎起條毛巾怒掟兼大鬧「去死啦!」洩憤。Madam憶述當刻全廠靜晒,但係劇中飾演Madam個仔同新抱嘅徐榮同陳煒粒聲唔出視而不見,只有一位工作人員行埋一邊安撫Madam。盧宛茵話自己第一次嬲到掟嘢,直言拍咗戲半世紀居然俾人咁樣話,認為導演向佢發炮有原因,因為公司要捧新人,陳煒呢啲主角又唔鬧得,於是搵甘草演員出氣。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!