美國關稅｜曾俊華形容如投下震撼彈 ：想蝦蝦霸霸令人叩頭 不引發世界大戰也大亂｜Yahoo
【Yahoo 新聞報道】美國總統特朗普日前宣布對全球 185 個貿易夥伴加徵「對等關稅」，前香港財政司司長曾俊華今（6 日）在 Facebook 發文，形容此舉如同向全球投下一枚「震撼彈」，不僅掀起前所未有的貿易大戰，更可能動搖二戰後建立的國際秩序，對全球經濟與政治帶來深遠影響。 曾俊華直言，這延續特朗普一貫「蝦蝦霸霸」的行事風格：「佢呢個舉動，無非係想做啲佢一向擅長『蝦蝦霸霸』嘅嘢，令全世界嘅經濟體，都向佢叩頭。」他補充，即使最終關稅幅度減半，美國仍能從中獲利，特朗普「就會自覺威威，盡顯霸主嘅本色啦」。
他指出，多國仍在思索如何回應特朗普的關稅建議，而此舉已引發一場「前所未見嘅全球貿易大戰」。他批評特朗普此舉缺乏長遠目標，稱：「最弊嘅係，阿 Trump 自己都唔知，佢創造呢場貿易戰爭嘅大結局，所謂 end game 係乜。」 特朗普此項政策針對不同國家實施不同百分率的關稅，旨在迫使全球經濟體向美國「叩頭」，從而為美國在後續個別談判中爭取更大優勢。
然而，曾俊華警告，美國股市的反應已顯示政策後果：「最終受害最大嘅，都係美國自己國內嘅消費者，依家美國人已經對高通脹有切膚之痛，長遠嚟講，美國國內嘅貨品價值，肯定會進一步上漲。」這將削弱特朗普近期要求聯邦儲備局減息的效果。 更嚴重的是，全球供應鏈或因關稅而崩潰。曾俊華以 iPhone 為例說：「一部 iPhone，用到嘅材料、部件，隨時都有千幾二千件，當中絕大部份嘅部件，都係要靠美國以外嘅地方生產。」
他警告，若供應鏈因關稅打亂，「將來一部 iPhone 嘅製造成本以至售價會變成點，條數真係好難計得清楚」，甚至可能催生更多競爭對手。 從宏觀角度，曾俊華認為特朗普的保護主義將令美國脫離國際組織：「美國將會逐步脫離各個佢自己有份建立嘅國際組織，好似世貿、世衛，巴黎協議，以至聯合國，然後築起高高嘅貿易壁壘，孤立自己嘅國家。」
他強調，這些組織的規則是過去80年全球和平的基石，若被摧毀，「全球自由貿易同政治秩序，就會被徹底打碎，伴隨而來嘅，除咗經濟上嘅動盪，地緣政治風險肯定會愈嚟愈高」。 他更援引歷史教訓，提到 1930 年代的《斯穆特-霍利關稅法》：「後嚟唔單止出現全球經濟大蕭條，甚至有人認為，呢個係導致二戰發生嘅因子之一。」曾俊華又說，特朗普這場「政治豪賭」即使不引發世界大戰，「但係肯定會搞到世界大亂」，並反問：「咁樣做法，其實邊個係會得益最多呢？」
