蔡子健轉行做老師？身形發福被網民指差啲認唔出 曾陷「鹹豬手」風波淡出幕前

前TVB藝人蔡子健1992年透過TVB藝員訓練班第6期進修班入行，曾擔任兒童節目《閃電傳真機》、旅遊節目主持，被封「旅遊王子」；又曾出演《歲月風雲》、《與敵同行》、《十萬噸情緣》等劇集。不過2008年成為「魔術鹹豬手」嫌疑人之一，翌年離開TVB到美國北愛荷華大學修讀工商管理碩士課程，淡出娛樂圈。日前，有網民於小紅書上分享多張蔡子健上堂教書嘅照片和二人合照，曝光蔡子健最新近況。

該網民表示自己遇到蔡子健授課，寫道：「是誰那麽幸運！上課遇到明星老師了！喔莫，剛開始還沒有認出來！突然認真聽課，盯著盯著發現……！這不就是《酒店風雲》的蔡子健！！！！蔡sir為人好低調，自我介紹只講到自己係：Dr.cai. 沒有吹噓自己的明星招牌。人很nice!!! 」。網民續指，蔡子健唔係正式老師，只係碩士課程請來嘅講師，研討一下商業戰略課題。從照片中睇到，55歲蔡子健身穿純白襯衫搭配牛仔褲，樣貌與當年無咩大分別，不過就出現白髮，身形稍為發福，以及驚現雙下巴。有網民就話差啲認唔到蔡子健：「變胖了差點沒認出來，小棠菜老公」、「這中年發福的厲害喲」、「怎麽胖成這樣了」 等等；又有網民大讚蔡子健當年演技：「他年輕的時候真的好帥，一身正氣的感覺，可惜基本都是配角」 、「年輕的時候不僅帥，還一身貴氣，他去扮演甚麼名門望族，富二代之類的角色特別有說服力。」、「當年覺得佢斯斯文文又靚仔，但成日比啲奇怪角色佢」 、「這個人演技很好」、「港星真的好全能」等等。

苑瓊丹於2008年喺港台節目《瘋SHOW快活人》大爆TVB有男藝人係「魔術鹹豬手」，藉表演魔術之名扮無意觸摸女藝員，更曾試過胸襲女藝員，苑瓊丹和幕後人員先後爆料指受害人包括郭羨妮、陳芷菁、楊茜堯及陳敏之，對於涉事男星身份，苑瓊丹曾透露該男星經常拍旅遊節目，又高過黃宗澤，令茅頭指向蔡子健；蔡子健當時表示冇實質證據嘅事，係唔需要回應，蔡子健形象插水。翌年離開TVB後，蔡子健現時已轉行保險界，並與醫生太太蘇予芊育有兩女一子。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！