雅虎香港新聞 長沙灣美食︱近廿年經驗大廚廠廈做外賣！高質冬蔭功意粉+焗豬扒飯+大件蝦多士
長沙灣這間外賣小店，店主有十年西餐經驗，做的是大路茶餐廳西餐，但款款都有心機，連冬蔭功意粉的汁也是自己炒製！即睇Yahoo Food專訪：
廠廈區午飯時間一到，周圍都是準備覓食醫肚的打工仔。平靚正之外，最重要的，唔使急，但要快！長沙灣道大馬路旁這間新外賣店「西餐佬」，老闆阿謙三頭六臂趕出餐，這邊廂煎豬扒煎太陽蛋炒意粉，那邊廂沖奶茶焗飯炸雞翼，快手快腳，滿額是汗：「我哋做午市外賣，一定要快，落單後幾分鐘內就要出到餐，唔快唔得。」
👉🏻全新Yahoo Food Instagram上線啦！立即Follow獲取更多飲食攻略
做外賣 也做得有心機
店名「西餐佬」沒改錯，阿謙十七，八歲入行，入廚近廿年，當中十年主力做歐陸菜，意大利菜等西餐，也幫手管理過茶餐廳。月前膽粗粗開鋪一試自己身手：「以前打工慣咗辛苦，做咗咁多年，覺得反正都辛苦，不如自己做自己嘢，辛苦啲都值得。」 現時他朝早六點就回店準備，夜晚九點後才可以離店回家，因為餐廳大部分醬汁都自己煮自己調味，有部分醬汁太複雜，像燒汁就會叫現成貨再自己調製。「因為想味道接近自己心水，就算係外賣，都可以有心機做好啲嘅。」
自製冬蔭功汁炒意粉 即焗茄汁豬扒飯
做錫紙膠盒裝盛的外賣快餐，意粉焗飯配茄汁、黑椒汁、蒜蓉汁、芝士或咖哩，賣的都是最大路最典型的茶餐廳式西餐。味道當然說不上驚為天人，但心機還是落足，像「冬蔭功大蝦意粉」，冬蔭功汁自製，阿謙以新鮮香茅、南薑、青檸、泰國辣椒膏自己炒，芫茜醬也自製， 爆炒時已聞到香噴噴。
大蜆意粉，他會特地由屋企附近的元朗街市揀靚貨帶回店，蜆的質素不合要求就轉用花甲，務求新鮮。最普通的焗豬扒飯，不會預先做好，有order才炒飯底，煎豬扒，即入焗爐數分鐘，特別新鮮好吃。又考慮到是外賣，意粉不會炒得太熟，否則到真正吃時就會變得太腍。小店走親民價，餐牌的菜式價錢都已經包餐湯及飲品，下午茶最平$40已經食到三大塊蝦多士，連湯及飲品，非常抵食。
西餐佬
地址：荔枝角長沙灣道883號億利工業中心地下1C號舖(地圖按此)
電話： 61474201
全新訂座平台「Yahoo訂餐廳×Openrice」正式上線！
更多長沙灣美食推介
長沙灣美食︱涼茶元素咖啡店！驚喜火麻仁latte+銀菊露冷泡咖啡
長沙灣美食│元洲牛肉麵店$40外賣餐！必食足料湯底滿漢全席牛肉麵
【長沙灣美食】 30年燒味師傅開檔賣$22雙拼飯 老闆：唔想燒味舖變夕陽行業
【長沙灣美食】隱世港式串燒小店 $60半打燒生蠔/$75原隻花蟹花甲粉
【長沙灣美食】失業爸爸為養家開意粉店！自創車仔麵式意粉剔紙仔揀配料
【長沙灣美食】打卡文青Café推介5間！純素蛋糕+柴犬咖啡+玫瑰千層蛋糕
【長沙灣美食】文青餐廳以茶入饌！烏龍茶炒雜菇+蝶豆花伯爵茶卷蛋
【今晚食乜好】唔知今晚食乜餸？立即去Yahoo Food 食譜專頁搵靈感
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
