魷魚遊戲2︱「臥底警察」魏嘏雋人氣急升 一身結實肌肉及帥氣外貌獲封「韓國許光漢」

Netflix原創韓劇《魷魚遊戲》於3年前成續理想，更在第74屆艾美獎獲14項提名，最後導演黃東赫奪戲劇組最佳導演、李政宰勇奪視帝。《魷魚遊戲2》已於噚日（26日）全球同步上架，今季繼續有李政宰、李炳憲、魏嘏雋和孔劉演出，亦有全新演員陣容加入，包括任時完、姜河那、朴珪瑛、李陣郁、朴成焄、梁東根、康愛心等等，勢必再度掀起全球熱潮。

《魷魚遊戲》題材新鮮及劇情緊張刺激，引起熱烈討論，唔少劇中演員嘅知名度亦都大大提升，當中包括飾演「臥底警察」黄俊昊嘅魏嘏雋，佢除咗演技精湛，有唔少網民仲話佢好似「台灣男神」許光漢。

現年33歲嘅魏嘏雋，擁有1.8米高挑身材，及俾人一種陽光開朗型感覺。佢喺2012年拍攝微電影出道，憑《經常請吃飯的漂亮姊姊》飾演孫藝真弟弟及《回到18歲》飾演棒球投手而為人熟悉，之後憑《魷魚遊戲》爆紅，現時IG追蹤人數已經超過一千萬。

魏嘏雋熱愛運動，例如排球、重訓、拳擊及搏擊等等，如果時間許可嘅話，佢可以一星期五日前往健身室，唔怪之得擁有一身結實嘅肌肉啦！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！