32歲陳詩欣與圈外老公切蛋糕宣布BB性別 成功一索得男！
現年32歲嘅前TVB小花陳詩欣（Eunice），憑住樣子甜美及fit爆身形，成功俘虜一眾網民。佢喺2021年宣布與拍拖3年嘅圈外男友陳爾正（Joshua）拉埋天窗，去到今年情人節（2月14日）貼出超聲波照片，宣布造人三年成功懷孕，喺噚日（6日）佢就趁住拍拖6年半紀念日，拍片宣布BB嘅性別，分享迎接新生命嘅喜悅。
陳詩欣喺IG上載影片並留言話：「趁今天是我們的纪念日，跟大家揭曉Baby L is a...Boy!!!!!💙💙💙💙爸媽期待你的來臨。特別鳴謝Yoyo契媽，佢係第一個知道性別的，然後為我們準備呢個蛋糕❤️🔥」。喺影片中二人將杯倒轉插喺蛋糕然後舀起，見到蛋糕內有粉藍色忌廉，即代表陳詩欣成功一索得男，真係恭喜晒呀！
呢個PO一出，除咗一班網民留言恭喜之外，唔少圈中好友都有留意，例如何依婷「Hi Baby L😍💙」、孫慧雪「正呀～～可以同埋我啲仔一齊玩🤣🤣」、鄧卓殷「congrats💙💙💙」及吳紫韻「congratssss❤️Etta 等緊玩伴🤣🫶🏻」等等。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
