Kayan9896承認上月已離開「試當真」 強調努力工作非疊埋心水嫁豪門

kayan9896（吳家忻）早年憑YouTube頻道「試當真」成功彈起，成為時尚界廣告寵兒，亦踩入樂壇，不過kayan9896於3月份疑私下喺男友馬桂烽（Justin）旗下酒店舉行爵士音樂會，因而與YouTube頻道「試當真」和老闆游學修關係生變，對方嘅IG亦已取消關注kayan9896。日前，有網民發現kayan9896嘅IG個人簡介上嘅聯繫方法已由原本「試當真」換成其他聯繫方法，疑似已離巢「試當真」；昨日（21日），kayan9896出席活動時承認上月已離開「試當真」。

kayan9896坦言自己上個月已離開「試當真」，又感謝前公司嘅栽培；佢透露離巢原因並唔係如傳聞所指與今年3月演唱會有關，指該個唱一切公開透明進行，未有影響與「試當真」關係，只係自己想focus喺自己想focus嘅唱歌和演戲上，因而與「試當真」結束合作關係，表示前公司係有挽留過，但最後都放手畀佢出去闖一闖。對於網民認為kayan9896疊埋心水嫁豪門，kayan9896表示唔關與百億荀盤Justin拍拖事，強調自己一直努力工作，想拍拖就拍拖，而工作都會照做。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！