Tyson Yoshi與未婚妻Christy中半山豪宅築愛巢 眼利網民發現疑與阿Sa成鄰居
Tyson Yoshi去年於加拿大溫哥華舉行演唱會期間，向圈外女友Christy求婚成功，現正努力籌備婚禮，預算將花費七位數以上。Tyson Yoshi出身富裕家庭，原先與家人居住於港島南區千呎豪宅，曾被TVB財經台睇樓節目《家居．築則》曝光其單位，其裝潢簡約，但設計師為隱藏屋內多處嘅窗台、橫樑等建築問題刻意將牆身加厚，令網民直言果然係有錢人嘅行為；該屋苑面向深灣及遊艇會，座擁無敵海景，最低成交價升至6000萬。不過，Tyson Yoshi近日與未婚妻Christy已搬至中半山豪宅另築愛巢。
從Christy於社交平台所分享嘅照片，新居環境相當開揚，可俯瞰中環及尖沙咀維港景致，早前更能欣賞到新年煙花表演，單位更擺放咗唔少品味油畫及擺設。有眼利網民就留意到Tyson Yoshi與Christy嘅新居景色與阿Sa（蔡卓妍）中半山豪宅嘅景色非常相似，疑似成為鄰居：「Tyson yoshi係咪做左阿sa鄰居，個窗同個view 100% match」。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
