丁子朗澎湃胸肌惹網民熱議 由排骨仔到狂練人魚線變大隻仔

丁子朗與郭柏妍於2022年TVB劇集《下流上車族》飾演情侶，被指戲假情真；近日，二人又喺熱播劇《奪命提示》組成CP，更上演親熱戲，不過都唔及丁子朗嘅胸肌吸引。

日前《奪命提示》（24日）播出一集，講述小演員鍾嘉佑與楊卓娜被困於車內，丁子朗及張振朗合力衝往破碎火燒嘅車廂中營救二人。此幕惹網民熱議丁子朗嘅澎湃胸肌，有網民於社交平台發文：「不是，丁子朗，你……哈哈哈哈哈哈哈哈哈哈。」丁子朗嘅胸肌結實到令網民留言笑指好似「戴咗bra咁」，又提起Tyson Yoshi於今年1月出席叱咤樂壇頒獎典禮嘅露出「南半球」造型：「我記得之前還有個南半球，這個算什麼，算全球？」

丁子朗2016年透過《香港先生選舉》入行，當年勇奪亞軍、「最上鏡先生」及「最受歡迎香港先生」，多年來發展不俗，而且造型百變，又不時喺唔同節目剝衫騷身材。丁子朗曾表示自己以前係個「排骨仔」，體脂非常低，覺得自己太瘦上鏡好難睇先決定健身操肌，同時刻意做平板支撐狂練人魚線，每次兩分半鐘，做10 set，再加100下sit up，指做完真係想死。丁子朗曾於2019年《森美旅行團》化身相撲手，佢就曾透露早於出發前5個月就開始健身，一星期會做4日運動，每次2小時。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！