中年好聲音3︳斷臂選手李金凱又贏MVP 想再要筷子做獎品 傳決賽假啟德舉行

TVB綜藝《中年好聲音3》周日播出14強淘汰賽，結果侯靜伊同陸東成出局，而曾經贏得MVP嘅斷臂選手李金凱就成為MVP。未知係咪因為上次李金凱拎MVP得到象牙筷子做禮物被網民取笑「好地獄」，今次李金凱獲頒MVP襟章。不過李金凱見狀就問「還有沒有多一雙筷子給我」，相當識玩，評審肥媽當然拍心口話有。而李金凱亦相當識做，講感言時直呼「我愛TVB，我愛《中年好聲音》，我愛香港」。

之前《中年好聲音3》24強晉級賽，來自雲南嘅李金凱以《那些感動過人的歌》獲得92分，並成為該集最有價值選手（MVP）。一如往常，MVP得主可以獲得贊助商送出嘅象牙筷子一對。不過來自雲南嘅李金凱，10歲時佢因為掂到5千伏特高壓電箱而失去雙臂，導致永久傷殘。有網民就覺得呢個安排都幾「地獄」，質疑呢份獎品李金凱點用？

另外，日前有報導指，《中年好聲音3》將於5月11日舉行決賽，而地點將會由過去嘅電視城錄影廠，升呢到啟德體藝館室內場館舉行，屆時TVB會招待7000位現場觀眾。不過如果日期屬實，《中年好聲音3》決賽可能會撞正台灣天團五月天喺5月9至11日假啟德主場館舉行嘅演唱會，估計有5萬名觀眾入場。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！