唐詩詠人龍麵包店被顧客上小紅書發文炮轟店員態度 「難道我冇畀錢？」

唐詩詠效力TVB 20年後於2022年9月離巢，早前佢喺銅鑼灣開設麵包店，即使近年零售業生意麻麻，但詩詠嘅麵包店逆市創奇蹟，經常有顧客大排長龍等買包。

不過早前有網民喺內地社交平台小紅書發文，炮轟店員態度 「十分惡劣」，指自己「排隊排了半小時，入去都未睇完有咩品種麵包就比店員催著要咩麵包了，急急腳買單，仲要比個店員丟張小票（發票）系張台度，難道我無比錢？入去不夠兩分鐘就走了，下次請我都不去（兩個店員尤其惡劣，一個捲毛小哥，另一位忘記咩樣了），好想問一下你地系米（係咪）想趕客」。

網民對於事件各有睇法，有人認為「如果店員唔催，後面就唔係等半個鐘，係等一個鐘！」、「確實店員服務態度一般 不太友好」、「感覺3年內會執」。

有評論話該店麵包唔抵食，「她家的麵包Size是超級迷你版，幼稚園的小朋友可以兩三口吃完一個。」，亦有人比較香港同內地物價話「30多在香港真心不貴，不信可以來惠州看看，小城市一個菠蘿包都已經賣到12了，150克吐司已經24了」。而有位於唐詩詠麵包店旁邊商場嘅帳戶喺小紅書回應留言，叫被店員激親嘅網民去商場坐下，相當識抽水。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！