張寶兒為兒子袁咕碌搭配一周造型成身名牌 曾為聲夢學員擔任造型師被狠批

張寶兒（Bowie）醉心於時裝造型，不時為老公袁偉豪襯衫。張寶兒近日更為1歲半囝囝「袁咕碌」袁晞祐（Hayven）襯出一周造型，並以影片方式記錄袁咕碌嘅OOTD。

張寶兒日前於社交平台分享為袁咕碌搭配嘅一周造型，寫道：「袁咕碌：『媽媽口中的OOTD到底是什麼？』#袁咕碌 #oodt每日穿搭 #時髦寶寶穿什麼 #人類幼崽 #寶寶穿搭」從影片中看到，張寶兒以唔同主題為袁咕碌襯出星期一至星期五及周末共7日嘅造型，包括Monday校園風、Tuesday商務休閒、Wednesday牛仔工人、Thursday泰迪風、Friday城市休閒，周末因為天氣轉冷而幫袁咕碌戴上橙色冷帽，以及穿上毛毛背心外套；7日嘅穿搭中，不乏GUCCI、Burberry等名牌童裝。網民大讚袁咕碌可愛，又有網民覺得袁咕碌嘅衫都好靚：「好時尚」、「太可愛」、「Wow，宇宙無敵超級帥氣」、「小孩的每一件衣服都好好看」、「有沒有出一期鞋子推薦」等等。

張寶兒過往嘅穿搭品味曾惹網民熱議，曾為《聲夢傳奇》學員擔任造型師，包辦演唱會造型，仆心仆力搵演唱會服裝贊助，仲出動埋媽媽私伙皮褸及袁偉豪嘅長褲，不過網民反感兩極，部分網民大讚學員造型好睇，但有部分網民就批評張寶兒將各位少女變成大媽，當中，姚焯菲嘅「黃色小雞」造型最多負評，令姚焯菲由天鵝變醜小鴨。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！