徐榮女兒包包遺傳爸爸演藝細胞 入讀韓國偶像學院「偶像班」

徐榮女兒徐心怡（包包）BB時期已經客串TVB處境劇《愛·回家》，於劇內飾演「馬家好」一角，唔少觀眾都大讚包包好得意，二人更以父女檔接拍咗多個廣告。轉眼間，包包今年已經9歲，長相與媽媽十足餅印之外，亦遺傳爸爸嘅演藝細胞，喜愛跳舞與唱歌，曾參與多個唱歌跳舞比賽。

徐榮為咗培育包包嘅才華，安排包包到韓國一級偶像學院YS香港分校，全面接受韓國正統K-pop培訓，早前與同校尖子參加《ASAF 亞洲學生藝術節》勇奪團體舞中童組冠軍。據悉，YS收生要求極高，需要接受多輪面試才獲取錄。YS有BTS以及(G)I-DLE等御用編舞老師定期授課，同時提供「偶像班」，除咗學跳舞，更會學唱歌、catwalk、禮儀等等。對於包包嘅前途，例如會否出道，徐榮表示初衷係想包包讀書以外有啲運動，而跳舞係佢鍾意嘅就畀佢去玩，未來出道或去韓國受訓之事，等包包大個女再諗。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！