雅虎香港新聞 旺角小店席前鐵板燒鰻魚炒飯只賣$39！前酒店大廚：夜晚八點冷清到以為凌晨兩點
鐵板燒在香港，總之予人矜貴高級之印象，等閒過千蚊一位，大廚在你面對把新鮮食材端上熱爐，一鏟，一切，一兜， 一反，滋滋作響的美食上碟時冒著熱煙。旺角有間新店偏反其道而行，同樣的席前鐵板燒，竟變身成為平民街邊小食，縱然開業於第五波疫情爆發時，老闆也期望憑此殺出血路。
【立即讚好】全新 Yahoo Food Facebook 專頁
最差全日十幾張單 總收入只得三位數
「計劃開舖都已經係一年前，當時己有疫情，但無諗過疫情會嚴重到咁。早幾個星期的旺角，西洋菜街，夜晚八、九點鐘，冷清到你會以為係凌晨一、兩點！我哋做外賣燒物小食，本身無堂食，缺少夜晚那一轉的確好傷。午市呢，本身附近又有商場有office，但而家都無人返工，lunch都無埋。」店主兼大廚鍾先生苦笑：「開舖起初一星期，可以做嘅好有限，真係日日玩手機睇戲。」遇上下雨天，小店試過全日只得十幾張單，總收入只得三位數。
疫市推$39足料鰻魚飯
生意差，實在非戰之罪，因為鍾先生非餐飲新手，手勢有保證，他曾於星級酒店從事法國菜逾廿年，曾跟從名廚Ricky Cheung工作，對食物很有要求。「我哋幾位老闆都做咗幾十年大廚，有心將高質鐵板燒平民化，你睇睇價錢就知。」看看餐牌，食物不超過十款，$58吃到熊本牛粒、$58兩粒珍寶日本帆立貝、最矜貴的是$68煎鵝肝，用的是酒店級法國鵝肝，滑溜富油香，即叫即煎，鵝油滲在多士中，配上爽口蘆筍，只要換上靚碟就可以賣過百元。
不過全店最抵食，一定是因應疫市推出的「鰻魚炒飯」($39)，鍾先生說完全是因為疫情才推出炒飯類，落足料，用珍珠米，浸醃過再炒至入味，加上鰻魚片，雜菜粒，米飯飽滿又彈牙，價錢平過連鎖店一個飯餐。鍾先生說暫時反應不錯，吸引到附近打工仔外賣做午餐。
生意暫時平平 熟客回頭是最大動力
開業未夠兩個月，生意只及預期中一半，鍾先生坦言「從來未諗過唔開舖，因為都係自己一腳踢。」空餘時間，他會研究新menu，計劃將來在餐牌中加入更多海鮮類，如大蝦，貝殼類等，真正做到高檔鐵板燒感覺。「開舖以來最大收鑊，係好快就儲到回頭客，都係附近寫字樓，診所嘅客人，好快變成熟客。邊個要少甜，邊個要走汁，多汁，我都就快記得哂，每日都收到佢哋order係好大嘅動力，有好大支持。」
一休鐵板燒
地址：旺角通菜街121號6號舖(地圖按此)
電話：3481 1008
全新訂座平台「Yahoo訂餐廳×Openrice」正式上線！
更多旺角美食推介
曾日賣300份三文治！70歲老闆癌症入院後復出 夫妻檔重開旺角早餐店賣招牌流心蛋三文治
旺角拉麵│首次開拉麵店遇疫情生意跌七成 90後老闆：不裁員！唔開舖員工會無飯食
放題2022│旺角新川菜午市火鍋放題 $146酸菜魚套餐任食90分鐘火鍋+小籠包
旺角Graceland擁全港唯一黑膠唱片點唱機 美國南部特色慢煮料理｜自家製特色雞尾酒｜每月倒瀉籮蟹套餐
旺角佳人餐廳1月10日結業 疫後推$22焗飯焗意粉窮人糧尾恩物告終
旺角美食│新派茶餐廳紅豆冰室！$65特大魚柳All Day Breakfast
旺角美食｜旺角小食店竹籤串燒雞蛋仔 多款自選口味+見到內餡方便打卡
煲仔榮記│慈雲山榮記茶餐室8月旺角開店！首創沙嗲牛煲仔麵+金蠔蝦乾煲仔飯
【旺角美食】旺角café專請年青人唔介意零經驗 背後原因感人 店名有意思
【旺角美食】90後一腳踢開傳統糖水舖 生磨芝麻糊日賣400碗
【旺角美食】混血型廚Justin Chan賣$88南越牛河 必食熬足24小時嫲嫲食譜越南Pho
【旺角cafe】旺角精品咖啡店地圖！15間Coffee Shop打卡/得獎咖啡豆/自家製蛋糕
【外賣優惠】旺角外賣自取優惠10間！半價壽司/6折天丼飯/拉麵買一送一
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
