睇片｜「民間Bra后」受患癌員工啟發 幫乳癌患者改造義乳內衣 靚胸圍添自信：終於有得揀｜Yahoo
【Yahoo 新聞報道】女士挑選亮麗胸圍看似日常，惟對乳癌患者並非必然。長沙灣「民間Bra后」蘭姐經營內衣店45年，近年開始改造義乳內衣，亦可為乳癌病人度身訂造，還她們選擇心儀內衣的權利。靈感源自該店曾經患癌的員工Ceci，她指復康中心的義乳內衣款式單一，對病人來說「只係一塊布，完全唔想著」，蘭姐的義乳內衣令她重拾選擇琳琅滿目內衣的樂趣，「終於唔係內衣揀你，係你揀內衣」。
年輕員工不幸患癌 只穿鬆身衣服出街
賣Bra長達45年的蘭姐深信，每位女士定能找到最合身的胸圍，當中包括乳癌病人。她近年開始改造義乳內衣，靈感始於其員工Ceci。Ceci今年30多歲，10年前突然感到胸部脹痛，當時以為只是經期前不適，惟過了一個月後情況持續，檢查後發現右邊乳房有腫瘤，「腫瘤有7.5厘米乘3.5厘米，成嚿豬膶咁大」。
由於腫瘤太大，Ceci必須做全乳切除手術。醫生建議隨後可做乳房重建，但她拒絕，「因為要抽你啲脂肪，係抽好大條，仲要麻醉成10個鐘，對年輕人嚟講，我覺得風險太大」，加上重建後約10年，要再施手術更換乳房，「嘩咁我就諗，即係我仲要瞓低（手術枱）好多次，就決定算喇」。隨後她的左邊乳房亦發現患癌，同樣需全乳切除。
「嗰陣係真係好似廣告咁㗎，點解係我呢？」術後Ceci情緒轉差，一年來斷絕所有社交活動，每次出門只為到醫院覆診，「每次都係『點對點』，去完即刻返屋企」，亦會特意穿著鬆身衣服，減少突顯胸口位置，「嗰陣會覺得，咦，其實女士係應該要有乳房，出街會好驚人撞到我，因為嗰個位真係得返棚骨，好似啲未發育嘅後生仔咁」。
坊間義乳內衣阿婆色、好醜樣
兩年前，Ceci到蘭姐店中做兼職，並分享自己的患癌經歷，形容蘭姐「當初都好『洋蔥』咁望住我」。她還輕拍蘭姐的肩膊加以安慰：「無事喇，過咗去」。蘭姐認識她後，漸漸發現乳癌康復者沒有太多內衣選擇。目前乳癌病人完成切除乳房手術後，大多可在醫院建議的復康中心購買義乳內衣，但款式奇少，「真實分享，佢係『阿婆色』，好醜樣，係完全唔想著，你唔會覺得佢係內衣，只係一塊布」。
蘭姐開始將原有胸墊位的內衣，改造成義乳內衣。部份「鴛鴦胸」個案甚至會兩邊相差一個碼，因此多款內衣均可加設胸墊。杯數較小的，可直接放入矽膠義乳；大杯則需將胸墊位改大。不過，蘭姐強調，並不是所有內衣都適合做義乳內衣，首選無鋼圈或軟鋼圈內衣，材質上亦要選擇較柔軟的物料，以保護女士的肩胛位或傷口。
「終於唔係內衣揀你」
Ceci記得，當初第一次試穿蘭姐的義乳內衣非常感動，「好開心，會發現有好多選擇，以前內衣只係為著而著，但終於唔係內衣揀你，係你揀內衣」。她終於可以像一般女士，每當看到喜歡的內衣款式就「入手」，「可以定時換下內衣，或者見到靚嘅就會買！」
每年10月為「國際乳癌關注月」，蘭姐早前推出「一對一內衣改建服務」，希望讓乳癌患者度身訂造舒適內衣，吸引數十個客人光顧，「有啲會話『喺出面試極都未必啱，喺度試完就啱』，嚟到就一定揀到個出門口」。她認為，對的胸圍能為乳癌患者提供多一份自信，「成個造型好舒服，睇起上去都會靚女、自然」。
賣bra 45年 植根宇宙商場
蘭姐原本從事美容業，80年代到長沙灣宇宙商場買內衣時，偶然得悉店主打算將店舖頂讓出去，當時她剛誕下兒子不久，「咁啱自己又想做啲生意仔，就決定頂手嚟做」。毅然轉行定必要從頭學起，靠同行朋友提點，亦由原店主相熟的渠道繼續入貨，邊學邊做。
如今已是老行尊的蘭姐指，最理想的胸圍需貼身及舒適，不應「離罩」。除了用尺埋身量度，蘭姐看客人身形亦略知對方適合的胸圍，「瘦嘅通常要淺杯，但厚返少少、挺啲，有啲功能內衣可以加個墊」，而較豐滿的女士應選擇較薄的物料，以免內衣過於焗促。
水圍、大杯胸圍最好賣
蘭姐指，身形瘦的女士大多選擇「水圍」，在胸墊位置內有小水袋，視覺上更有動感，「有啲重量，上厚下薄，著上去有返個乳溝位，唔似厚胸墊嗰啲咁虛浮，得個尖字」。店內「H」、「I」杯胸圍亦有多個款式選擇，蘭姐展示其中一個客人預訂的「H」杯胸圍，她將肩胛位彈性不足的蕾絲位改短，讓內衣有足夠承托力，胸部不會因太重而下垂，「80G、85G，去到100G都好好賣，因為出面比較少，反而細杯你出面都容易買到」。
為應付不同種類的客人，蘭姐租下店舖毗鄰舖位作貨倉，存放數百個款式和杯數的胸圍，「因為同一時間想畀啲客試得最啱、最多嗰啲顏色同埋款，就算係蕾絲，啲客都有權揀，都要有充足嘅款」。
女士近年更著重胸形 台灣矯形胸圍崛起
蘭姐指，40年前客人多崇尚大牌子，坊間認為著名品牌用料更上乘，如華歌爾（Wacoal）、黛安芬（Triumph）、安莉芳（Embry Form）等；直至近10年，女士更著重胸形，令主打胸部矯形的台灣胸圍興起，「通常有粗帶，包到副乳，對啲客人有多啲幫助」。目前「銀鈴女士用品」主要售台灣貨，每個胸圍由100至300多元不等，比大牌子內衣便宜約一成半。多年來蘭姐靠經驗屹立不倒，「個客入到嚟，我都會真心同你揀到最啱，出面舖頭多數請sales（售貨員），佢哋唔係唔想真心介紹，係唔識、經驗淺」。
蘭姐每天早上提早回店準備開舖，45年來，年中無休，「我返工永不遲到，譬如有啲客嚟搵你，好遠搭車嚟但你又仲未返，所以一心一意，一起身就返工」。年屆73歲，蘭姐執貨、服務客人，無一不親力親為，全因做內衣是她半生的寄託，「做咗呢行之後，我無諗過轉行，當係終身事業㗎喇！」
