許靖韻搵洪卓立合唱 廣州fans見面會首唱新歌 迫爆三層商場
許靖韻（Angela）上月推出新歌《作賤》，日前歌曲推出合唱版《作賤。矛盾》，找來好友洪卓立（Ken）合唱。早前，Ken跟Angela帶同師弟余浩斌及師妹戰金意於廣州舉行粉絲見面會，當日合唱版未正式上架，二人於見面會上首播mv及首唱歌曲，現場歌迷迫爆三層商場，場面墟陷。
《作賤》獨唱版上架後，Angela與監製都覺得獨唱版的問句可以有一個男聲的回答，最後找了Ken來演繹，Angela解說：「由《今晚唱飲歌》到巡迴音樂會做嘉賓，大家都覺得我哋兩個人嘅聲底、聲線好夾，一直都希望有一首合唱歌，今次就好啱數啦。」歌詞編排上，雖然女段沿用原歌詞，但Angela亦要重新錄製，透過歌詞釋出女人的疑問；至於男段歌詞則需要重新填寫，Ken謂：「我會以旁觀者身份，釋出男人嘅解答同無奈。以往自己嘅單曲都有一種講故事嘅感覺，呢首歌更加係互相對答咁樣，所以同我自己本身嘅歌嘅感覺好配合。」
《作賤》獨唱版於數碼平台得到不錯的成績，在合唱版上，二人在歌詞上的剖白，直擊很多男女的愛情困境，希望與聽眾之間取得更多共鳴。二人笑說在感情的演繹時，要多謝身邊朋友，「冇佢哋真係投入唔到感情㗎，哈哈。其實因為各自身邊嘅朋友其實都有差唔多嘅經歷，聽得多佢哋嘅故仔，演唱時更容易投入感情、更加理解歌詞當中的份量及詮釋。」
