郭可盈孭30萬名牌手袋睇展覽 收藏總值逾500萬特意到外地專門店朝聖

郭可盈1995年與林文龍合作拍攝TVB劇集《萬里長情》定情，拍拖9年後於2004年結婚，2010年誕下囡囡林天若（Tania），繼而淡出娛樂圈專心相夫教女。郭可盈日前獲邀到Art Basel率先睇展覽，並於社交平台大曬多張打卡照。從照片中睇到，郭可盈以牛仔褸搭配印花裙、波鞋及戴上黄色貝雷帽，優雅又顯年輕，佢所用嘅限量版手袋更成為網民焦點。據悉，該手依採用尼羅鱷魚皮，曾於佳士得進行拍賣，當時估值24-30萬港元，價值不菲。

其實，郭可盈一向都係該品牌忠實粉絲，擁有接近500萬嘅手袋收藏。郭可盈於外地旅行期間亦會到當地專門店朝聖，去年曾與女兒林天若到杜拜專門店齊齊DIY製作獨一無二嘅馬仔吊飾；又試過到上海旅行期間，去只對VIP開放嘅Cafe歎下午茶。

郭可盈出身富裕家庭，爸爸郭達昌做塑膠廠起家，旗下生意包括塑膠廠及玩具廠等等，有傳郭父於2011年病逝後遺下逾億資產和億萬塑膠生意畀四名子女，亦有傳其塑膠生意由郭可盈接管。據悉，郭可盈2005年斥資約5,000萬元買入奧運站「一號．銀海」4個1,200多呎海景單位，估計手持至少近2億元物業。現時，郭可盈與林文龍一家三口居住於逾4500萬西貢獨立屋，過往於分享生活照時曾多次意外曝光獨立屋內部，例如曾分享佈置聖誕樹嘅照片，就見到屋內樓底極高，所擺放嘅聖誕樹至少有兩米高，郭可盈需要搬出長梯先能將星星裝飾掛上樹頂；客廳則相當寬闊。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！