2024必睇香港及海外劇集盤點！《魷魚遊戲2》Netflix即將播出
2024年即將完結，今年香港及海外分別產出多套高分好評神劇，令唔少劇迷留守於熒幕前面。藉聖誕節和除夕假日來臨，不妨重溫以下必睇香港及海外劇集吧！
2024必睇香港及海外劇集1. 《淚之女王》
韓劇《淚之女王》由金秀賢、金智媛和朴成焄主演，講述洪海仁（金智媛飾）被封為皇后集團繼承人，與鄉下老公白賢宇（金秀賢飾）共同面對一場殘酷財閥鬥爭，並克服婚姻危機，迎來宛如奇蹟嘅愛情新篇章。不過，有唔少網民鬧爆劇情超狗血，主要係睇金秀賢、金智媛嘅高顏值及演技。
2024必睇香港及海外劇集2. 《來自地獄的法官》
由朴信惠、金宰永主演嘅韓劇《來自地獄的法官》係一套善惡共存嘅奇幻動作劇，收視及口碑超高，朴信惠演繹惡魔法官入型入格，仲有申成祿、吳娜拉等驚喜現身。
2024必睇香港及海外劇集3. 《魷魚遊戲2》
韓劇《魷魚遊戲》於3年前成續理想，更在第74屆艾美獎獲14項提名，最後導演黃東赫奪戲劇組最佳導演、李政宰勇奪視帝。《魷魚遊戲2》將於12月26日Netflix獨家上線。第2季除咗有李政宰、李炳憲、魏嘏雋和孔劉演出第1季嘅角色，亦有全新演員陣容加入，包括任時完、姜河那、朴珪瑛、李陣郁、朴成焄、梁東根、康愛心等等。
2024必睇香港及海外劇集4. 《艾蜜莉在巴黎》（Emily in Paris）第4季
美劇《Emily in Paris》評價兩極，被指好多劇情都唔合情理，但主角Emily（Lily Collins飾）與Gabriel（Lucas Bravo飾）、Camille（Camille Razat飾）、Alfie（Lucien Laviscount飾）嘅感情線仍吸引唔少劇迷追看。今年8月，第4季播出，依然有唔少死忠劇迷，劇情後部講述Emily與Gabriel分手後，遇到Marcello（Eugenio Franceschini飾），工作上又遇到心機婊Geneviève（Thalia Besson飾），令Emily工作和感情生活進入一個全新嘅階段。
2024必睇香港及海外劇集5. 《3 體》（3 Body Problem）
Netflix劇集《3 體》改編自中國科幻小說家劉慈欣作品《三體》，編劇團隊共花上4年製作，講述跨越各大洲、歷經數十年，五位傑出嘅好友有咗震驚世界發現；科學定律徹底瓦解，生存威脅浮上檯面。《3 體》確認將有第2季和第3季大結局，惟官方仍未宣布第2季播出時間。
2024必睇香港及海外劇集6. 《詭秘之罪》（Grotesquerie）
美劇《詭秘之罪》由《美國恐怖故事》王牌監製Ryan Murphy打造，講述探員 Lois Tryon（Niecy Nash飾）為咗搵出連環命案嘅兇手，聯同身兼兩職嘅修女記者 Megan（Micaela Diamond飾）追查線索，但越接近真相，Lois就發覺一連串嘅兇案似乎為佢而設，有股邪惡勢力想引佢入局。《詭秘之罪》受到廣泛好評，又被大讚劇集風格大膽。
2024必睇香港及海外劇集7. 《婚後事》
TVB劇集主要演員包括羅子溢、陳自瑤、黎諾懿、賴慰玲、羅天宇及王敏奕等，分為「離婚」、「不忠」、「錯愛」、「修復」四個章節，描述6位主角嘅愛情故事。《婚後事》為陳自瑤入行24年首次擔正做女一嘅劇集，陳自瑤表示拍攝《婚後事》時好難抽離，瘋狂至「每日一喊」，其演技大獲好評。
2024必睇香港及海外劇集8. 《黑色月光》
TVB台慶劇《黑色月光》由楊茜堯（前名楊怡）、王浩信、林夏薇、馬志威、黃翠如及楊卓娜等演員演出，亦係楊茜堯相隔7年後回巢嘅作品，講述余滿月（楊茜堯飾）和細妹因童年遭強姦，將聯手王浩信、林夏薇和黃翠如等人上演連場報復，觀眾隔住螢幕都感受到楊茜堯嘅霸氣，指其凌厲眼神十足當年《宮心計》姚金鈴，並盛讚佢係「復仇女王」。
2024必睇香港及海外劇集9. 《出租大叔》
ViuTV原創劇《出租大叔》由強尼、沈貞巧（Gao）、陸駿光、張達倫、陳子豐、邱頌偉（阿雞）演出，講述一個喺車行工作嘅中年大叔，於疫情後好景不常，面對人生低谷期間萌生「出租大叔」想法，且從中找回生活熱誠嘅故事。
2024必睇香港及海外劇集10. 《十七年命運週期》
ViuTV原創劇《十七年命運週期》導演為執導《二月廿九》及《940920》打響名堂嘅羅嘉駿，因此未播出前已有唔少觀眾大感期待。劇集由廖子妤（Fish） 、MIRROR成員楊樂文Lokman、陳健朗、李敏、張可欣演出，以香港近代面對嘅兩次疫情：2003年SARS及2020 COVID為故事背景，講述眾人面對人生好運與厄運週期交替時嘅抉擇。
2024必睇香港及海外劇集11. 《誰是被害者》第2季
台劇《誰是被害者》第2季演員包括第1季原班人馬張孝全、許瑋甯、李沐、王識賢，更加入劉俊謙、蘇慧倫、藤岡靛等人。故事圍繞一樁「奪器官」連續殺人案，兇手目標係一群曾逃家的青少年，犯案手法令人毛骨悚然。
2024必睇香港及海外劇集12. 《正港分局》
Netflix罪推理喜劇《正港分局》為電影《關於我和鬼變成家人的那件事》衍生劇，由雙豪導演程偉豪與殷振豪聯手出擊，演員包括許光漢、王淨、馬念先、Lulu黃路梓茵、林鶴軒、陳彥佐等人，講述一連串命案發生，陳屍現場被布置成怵目驚心成語字謎，一名菜鳥小隊長林子晴（王淨飾）必須聯手刑警吳明翰（許光漢飾）與正港小隊，分秒必爭解開殺人魔嘅致命謎題。
2024必睇香港及海外劇集13. 《影后》
Netflix台劇《影后》集結謝盈萱、楊謹華、薛仕凌、陳庭妮、謝瓊煖、楊貴媚、鍾欣凌、曾莞婷等演員，講述幾個熱愛演戲嘅女人喺殘酷演藝圈為夢想挑戰極限，汲汲營營地追逐名聲與演技，渴望過上光鮮亮麗人生嘅故事。不但男女主角演出備受好評，就連配角嘅演繹都十分亮眼。
2024必睇香港及海外劇集14. 《狐妖小紅娘•月紅篇》
陸劇《狐妖小紅娘•月紅篇》改編自漫畫《狐妖小紅娘》，並由楊冪、龔俊主演，講述塗山狐族心懷大義當家塗山紅紅（楊冪飾）與東方家後人東方月初（龔俊飾）相遇，並漸漸相愛嘅「姐弟戀」故事，二人為守護摯愛之人和維繫兩族和平，不得不百轉千迴歷經萬難。
2024必睇香港及海外劇集15. 《墨雨雲間》
陸劇《墨雨雲間》改編自千山茶客作家嘅古代小說《嫡嫁千金》，並由知名製作人于正製作。男女主角分別為吳謹言和王星越，亦係製作人于正與吳謹言睽違6年後再合作。吳謹言於劇中化身復仇女神，演繹被大讚有進步，連官媒「人民文娛」都有關注劇集，喺社交網站發文點評：「真正讓觀眾「爽」的並非一招一式，而是人的成長、美的呈現，以及當代價值的嫁接」，口碑甚好。
2024必睇香港及海外劇集16. 《慶餘年》第二季
古裝陸劇《慶餘年》第二季，改編自貓膩同名小説，於今年5月份播出，由第一季原班人馬張若昀、李沁、陳道明、辛芷蕾領銜主演，並攜手新血俞飛鴻、毛曉彤、金晨、王楚然演出，創1600萬人預約觀看紀錄，開播後亦立即引爆話題。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
