59歲羅霖拍片大爆選亞姐佳麗推撞兼落痕粉 鬥爭如現實版「宮心計」？
現年59歲嘅羅霖，1991年參加《亞洲小姐競選》入行，並以大熱姿態勇奪冠軍，出道至今超過30年，保養得宜嘅佢，外貌同身材冇太大變化，狀態保持得非常好，難怪被譽為圈中「美魔女」。羅霖不時喺社交網站上載影片分享美容及保養心得，近日佢更出片大爆當年參選亞姐時，選美黑暗嘅一面！
近日，羅霖喺小紅書上載一段以「選亞洲小姐上演現實版「宮心計」？」為題嘅影片，大爆選美黑暗嘅一面。羅霖表示參選時一班佳麗都仲鐘意鬥爭，佢喺影大合照時唔少佳麗都想企中間，所以佢經常被推撞，所以睇返當時嘅大合照，大家就會見到佢成日企喺側邊。另外，佢仲講到喺排舞嘅時候，推撞嘅事件亦有發生。
除此之外，羅霖仲講到吳綺莉攞冠軍嗰屆競爭仲激烈，佢指當時有啲佳麗有落痕粉去人哋啲衫度，令佢會郁導致姿勢唔靚。最後，羅霖大爆工作人員私底下會評核佳麗嘅操行，所以佢認為除咗樣靚身材好之外，品行、智慧及善良嘅心都係非常重要，因為咁樣先會令自己可以走得更遠。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
