「東張女神」黎寬怡完成過大禮2月做人妻 貓仔被禮物包圍：父母笑到見牙唔見眼

東張女神黎寬怡（貓仔）將於2月出嫁，即將成為人妻的她剛剛完成過大禮儀式，當中八大精美禮籃齊集鮑參翅肚、龍鳳嫁囍禮餅及大大對龍鳳鈪，納徵儀式做到足！

待嫁人妻貓仔表示：「因為我係大女、我未婚夫阿Sing都係大仔，從未幫手做過過大禮，過大禮需要既物品連利是封點用都唔識分。所以全靠經驗豐富嘅Wedding Planner Olivia同埋過大禮公司Haba協助，教阿Sing點準備，同埋帶齊工具幫手擺靚啲過大禮用品，先有咁靚、咁得睇嘅場面。」

首次接觸過大禮儀式的貓仔憶述當時的情況，「由房間行出嚟嘅一刻，真係有被震撼到！第一次畀咁多禮物包圍，真係好驚喜、好意外！過大禮當日嘅所有流程都有Olivia同埋Haba幫手帶住，成個氣氛超好，爸爸媽媽都極為滿意。媽媽見到啲佈置之後，興奮到立即換咗件靚衫出嚟打卡，而一向內斂嘅爸爸仲開心到一直幫我哋影相同拍片。」

遮擋不住喜悅的她表示：「好開心父母兩個笑到見牙唔見眼，阿Sing都話好在有咁強大嘅團隊幫手，先可以咁順利、咁圓滿。有大家一齊見證住我哋兩個呢個幸福時刻，真係好幸福。」她又預告：「接住落嚟就要繼續忙２月婚禮嘅事，好多謝婚嫁專家好友們幫手，我哋相信一切會順順利利。」