麻辣商驕︳宋軼曾承認靠後天技術變靚 同白敬亭傳拍劇撻著秘戀

TVB劇《麻辣商驕》（原名《今天的她們）除咗有佘詩曼之外，劇中演成都女孩路真真嘅宋軼都因為劇集而成為熱搜人物。宋軼曾被內地網民稱為「旗袍女神」，而且外表越嚟越好睇，宋就承認真係有「加工」！

今年35歲嘅宋軼，17歲時考入中央戲劇學院表演系，後來主力拍電視劇。2019年嘅劇集《慶餘年》中，宋軼飾演女主角張若昀嘅才女妹妹而人氣急升。前年TVB播嘅內地劇《長風渡》就係由宋軼飾演女主角，更傳出佢同同劇男主角、內地頂流男星白敬亭戲假情真。雖然二人未曾官宣戀情，但係早前白敬亭以宋軼常用嘅比心手勢拍片，足以令fans們哄動。雖然一度傳出宋軼同白敬亭分手，但外界依然睇好呢一對。

宋軼另一談論焦點係佢近年進化嘅外表，由初出道嘅單眼皮變成雙眼皮，令雙眼越來越有神。宋軼試過喺內地綜藝節目即場洗面素顏俾人睇，又解釋自己係內雙眼皮，出鏡前靠雙眼皮膠紙「撐住」。而喺另一訪談節目，宋軼話《慶餘年》出街後佢俾媽媽批評啲牙太醜，令佢下定決心箍牙。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！