百樂潮州銅鑼灣總店重開！大房嫡系兄妹檔親自揭秘：博就博呢一次！新名「大少店」 重現經典名菜 必食八寶豬肚
潮州菜在香港是一個相當重要的飲食文化，在昔日經濟起飛時，不少潮州菜館一躍成為名人飯堂，「百樂潮州」絕對是其中一間。當大家惋昔品牌總店在去年9月宣布結業，但事情竟鋒迴路轉，在同年12月由貝氏家族大房嫡系後人宣布重開，當中到底發生了甚麼事？即睇Yahoo Food專訪：
「唔係一個人話晒事，衰嘅一齊承擔，好嘅一齊好，博就博呢一次。」百樂潮州酒樓（大少店）負責人Jeremy
「百樂潮州」是香港潮州菜館名店之一，在中環、銅鑼灣、旺角等都能看到其蹤影，去年9月24日銅鑼灣希慎道總店因租約期滿，宣佈結業。但事隔不足3個月，竟「華麗轉身」宣布重開，並取名「百樂潮州酒樓（大少店）」。當眾人以為品牌「彈弓手」，騙取大家的目光時，「大少店」負責人，現貝氏家族大房嫡系後人決定走出來，與大家一揭這間半世紀潮州名店的秘聞。
👉🏻全新Yahoo Food Instagram上線啦！立即Follow獲取更多飲食攻略
並非彈弓手 「4條J」重啟父親生意
「原本百樂潮州酒樓喺我爸爸疫情時過咗身後，就有其他家庭成員一齊打理，上年9月結業後，業主立即打返俾我問，有冇興趣重開？佢話以前有啲長輩喺度，可能無做得咁自由。」長子貝祖貽Joey說，他們並非「彈弓手或跳草裙舞」，今次重開，改由他領軍，帶着二弟貝祖銘Jerry、三妹貝樂雯Joanne跟妹夫姚嘉浩Jeremy一同打理大少店，笑言是「4條J」，「有趣嘅係，當年租約係我爸爸帶住我同業主爸爸傾，而家就到我同業主第二代傾。」Joey說。
4條J相議後，決定再邀請一位「諸葛亮」，軍師答應的話才會「去馬」，這位軍師就是在酒樓工作多年的餐廳經理馬小姐，「馬小姐喺公司做咗好多年，佢已經唔係伙記，而係屋企人，佢喺潮州菜呢個派系都好有名，可以指點返我哋好多嘢，當時我問馬小姐肯唔肯同我哋試一試，佢話OK，我哋先敢真係做。」妹夫Jeremy補充。「結業時我覺得好可惜，今次重開，我登佢哋貝氏感到好開心。」同樣對舖頭充滿感情的馬小姐說。她的加入，令4人大增信心，馬不停蹄下，新店終於在舊店結業兩個月後，宣布重開。
繼承爸爸精神 研發潮州新菜式
如果在網上搜尋「百樂潮州」四字，不知內情的人，恐怕以為所有「百樂潮州」餐廳都是一樣。雖然「百樂潮州」同樣由貝氏家族主理，但其實這個牌子分了由貝世雄先生第三子家族主理的百樂潮州酒家（中環及時代廣場），跟大房嫡系後人主理的百樂潮州酒樓大少店（希慎店及MOKO店），兩個品牌雖同屬貝氏後人所開，但卻完全由不同人主理，亦並非屬於同一集團。
對於「百樂潮州」的分家，4條J明言，希望以「大少店」三字去令大家清楚區分兩個品牌的不同，「其實另一間叫酒家，我哋叫酒樓，已經唔一樣。」Jerry苦笑。今次重開，除了有以前8成的菜式，4條J決定拿出包含着他們回憶的菜式，又或者一些Off Menu的菜式出來。
「爸爸喺度嘅時候，成日都會諗好多新菜式，我哋除咗會攞返呢啲菜式出嚟，都會有由我哋諗嘅新菜式。」好像滷水崩沙腩，平常的滷水皆用鵝、牛腱、豬耳、墨魚等食材，直至大少獨具巧思用豬蹄筋做滷水，即成為百樂潮州招牌滷水菜式，「4條J」就決定再試用崩沙腩製作。「二哥平時要飛嚟飛去，食好多好嘢食，好似用崩沙腩都係佢諗出嚟。」Joanne說，「煩到啲師傅見到我都回頭走，哈哈！」Jerry笑說。
口感軟腍，馬小姐表示店內的滷水是傳統潮州滷水風味，味道較濃郁。
由於三兄妹的媽媽是泰國潮州華僑，靈感源自泰國潮州僑鄉的傳統魚鏢羹，融入潮州紅燒翅的烹調精髓，配以花膠絲、瑤柱、蟹肉等珍貴海味，亦給不吃魚翅的客人多個選擇。
嚴選潮汕特產紅肉米，這種極其細小的蜆肉為潮州傳統珍饈，因顆粒細小如米而得名。紅肉米再加韮菜粒同炒，以新鮮生菜片盛起，口感清爽，滋味鮮美。
回憶成菜式 輸贏都一齊
潮州菜中有不少都是「大菜」，今次重開必食的還有八寶豬肚，八寶豬肚以栗子、鮑魚、海參、瑤柱、冬菇、瑕米、白果、蓮子等八款珍貴食材釀入新鮮豬肚，經長時間慢火燜煮，直至每樣食材都煮得入味，在上枱剪開豬肚而不破壞內餡需要相當小心，Joanne特意觀察伙記的手法再學習如何剪豬肚，看得出這位「貝氏大小姐」絕不將事情假手於人，只要關於餐廳，即使是再小的事，亦非常上心。
甜品芋泥炸雪糕更是三兄妹的共同回憶，「以前喺紐西蘭讀書，爸爸一飛返嚟，帶我哋去中餐廳食飯，每間中餐館都一定有呢個炸雪糕。」Joanne說，但是食過未必一定懂得怎去做，由一開始像炸鮮奶般嘗試，四人跟大廚試上無數次，到最後發現用蛋糕包着再炸，才能減低雪糕融化的速度，當然當中還有大廚對油溫的完美掌握。
小小的豬肚包着多款炆煮得入味的食材，每一啖都有多重口感。
選用矜貴的龍躉尾，以蒜子、乾蔥頭、薑角、香蔥、胡椒等香料鋪底，放上花尾躉以慢火焗製，一開蓋已經聞到香氣滿溢。
雞皮香脆得像薯片一般，雞肉滑溜，加上西杏、花生、提子、藍莓乾、腰果、合桃等，口感十足。
需提前一日預訂，除了炸雪糕，還搭配潮州的傳統甜品芋泥，最厲害是雪糕放久了亦不會流出來。
今次再次家庭式管理，三兄妹加妹夫合作，但大哥已半移民到紐西蘭，二哥是機師，真正長駐香港的就只有三妹跟妹夫，不怕會再次面臨拆夥嗎？「佢哋提出嚟嘅，未做過就係要去試，就係咁簡單，如果下下我都Stop住佢哋，咁唔會有進步。」經驗最多的Joey說。
由工程師轉戰餐飲的Jeremy則說：「我哋四個係一個Team，有咩事大家攞出嚟傾，唔係一個人話晒事，衰嘅一齊承擔，好嘅一齊好，博就博呢一次。」他更笑言，真正投入做餐飲業才發現以前打工舒服得多，不過為了能將大少留給他們的味道傳承下去，再辛苦也是值得。但其實最難得的，是這份由父親留下的味道，能夠讓貝氏大房「四條J」可以在這混亂的世界中，繼續互相扶持下去。
百樂潮州酒樓（大少店）總店
地址：銅鑼灣希慎道23-25號地舖（地圖按此）
電話：2576 8886
營業時間：11:00am-11:00pm
常見問題：
問：銅鑼灣有甚麼中菜推介？
答：百樂潮州酒樓（大少店）除了繼續保留原有菜式之外，亦秉承大少對潮州菜的濃厚熱忱與創新思維，在傳統基礎上注入創意並改良菜式......詳情按此
問：百樂潮州酒樓（大少店）有甚麼推介菜式
答：八寶豬肚以栗子、鮑魚、海參、瑤柱、冬菇、瑕米、白果、蓮子等八款珍貴食材釀入新鮮豬肚，經長時間慢火燜煮，所有食材的天然風味共冶一爐.....詳情按此
全新訂座平台「Yahoo訂餐廳×Openrice」正式上線！
更多銅鑼灣美食推介
銅鑼灣美食︱復古fusion甜品店 打卡瀑布刨冰 + 茅台朱古力布丁 + 大大件花膠雪燕椰汁
銅鑼灣美食｜全新中菜「大宅」落戶問月酒店！招牌必食推介濃油赤醬煙燻平原雞/大宅佛跳牆
銅鑼灣美食｜銅鑼灣CulinArt 1862半放題套餐半價優惠！人均$439起食炙燒吞拿魚/生牛肉薄片/法式焗龍蝦米多
權發小廚殺入銅鑼灣！超人氣兩餸飯店進駐登龍街 店方: 已諗好排隊位置
銅鑼灣美食︱靚裝手工點心店 惹味麻辣燒賣 + 砂煲tiramisu + $68足料豬腳薑
綠茶餐廳銅鑼灣店開幕！實試內地人氣浙菜 年度BEST50中國頂級名廚做顧問+原隻烤雞低至$138
銅鑼灣美食｜全新精緻潮州菜「阿鴻小吃」登場 必食菜式推介滷水鵝片/滷水鵝肝/潮式凍馬友/煎馬友一夜情
銅鑼灣美食︱Sogo地庫賣和牛taco sushi 推介壽喜燒味 最平$38/串和牛牛丸
銅鑼灣美食︱上樓cafe 韓西式fusion菜 魚糕串卡邦尼意粉+$1任食蛋糕放題
銅鑼灣美食｜正宗江南菜「弘文館」正式開幕！必食淮揚清燉獅子頭/酒香鰣魚/宮廷稻草扎肉
內地人氣浙菜綠茶餐廳8月底攻銅鑼灣希慎廣場 必食綠茶烤雞+年售600萬份麵包誘惑
銅鑼灣美食︱上樓cafe 360度花花蝴蝶打卡位 浮誇層架班戟+金箔玫瑰意大利飯+冬蔭功意大利雲吞
銅鑼灣美食︱台灣過江龍芋頭甜品店 招牌芋頭沙冰+芋球 特色芫茜花生醬特飲
銅鑼灣美食｜蟹膳KANIZEN推$358起蟹宴午市套餐！一次食盡鱈場蟹/松葉蟹/毛蟹
銅鑼灣美食｜日本關西壽喜燒板前料理專門店「壽喜燒．中川」 主打松阪牛/大分和牛/北海道褐毛和牛
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
