設計師爆藝人「Yan」走數 網民估係呢位女星 林芊妤Coffee受牽連？

唔少網民都熱衷於社交媒體平台Threads，亦愛喺平台上tag藝人，召喚藝人真身留言回應佢哋，有女星就疑似捲入一單走數事件而被網民召喚。事源係有網民於Threads出PO分享香港設計師日常，最新帖文就以「女藝人走$3700尾數」為題，表示之前負責一名女藝人新餐廳嘅設計及印刷，中途對方想加印，但認為收費過高，於是發脾氣直接走數；設計師指自己入稟小額錢債審裁處，經過一年時間，法庭最終判該名女藝人需要支付申索人應收款項及訟費，但對方至今仍拒絕找數。

該設計師表示當時曾給予對方多張報價單，仲因為見佢大單而計平畀佢：「見佢大單就計平咗啲俾佢，跟住佢就係咁越cut越少，cut到6樣出單，仲不忘叫我出多一張報價單，數目寫大啲俾佢去呃正苦subsidy（支援香港品牌拓展海外市場）」，網民分享裁判書，被告人名字露出「yan」，加上該設計師對該女藝人嘅描述：「佢個名應該個個都識，但真係唔係咁紅」、「之前唱歌 有拍過學警出更」、「佢間餐廳都仲喺香港做緊」，令唔少網民估計係已移居英國嘅吳日言，唔單止tag咗吳日言詢問佢係咪當事人，仲有網民tag埋吳日言好友林芊妤（Coffee）：「你個frd走數喎」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！