48歲前港姐陳伶俐疑孤獨慶生 與過往曬恩愛照片形成極大對比

陳伶俐1996年參選香港小姐入行，於一次訪問中與林敏驄結緣及後火速於1997年認愛，翌年宣布結婚，二人育有兩子林肯和林善，不過2008年離婚結束10年婚姻。陳伶俐曾於社交平台分享「寫給兒子的信」，內容提及當年22歲未婚懷孕要負責任，又指當年向大囝坦白有人向自己求婚，兒子鼓勵自己去結婚，唔希望將來同細佬成家立室後得返媽媽一個人。陳伶俐於2012年再婚新加坡隱形富豪、胡嘉烈後人劉頌銘，婚後搬入山頂價值過億嘅獨立屋；及後，陳伶俐誕下一子劉駿浠，其老公相當愛錫陳伶俐，曾於2022年因為陳伶俐收到朋友嘅一個訊息，於是佢馬上撲飛等老婆可以去到卡塔爾睇世界盃；對於陳伶俐與前夫林敏驄所生嘅兩名兒子視如己出，兩公婆閒時亦四圍去旅行，陳伶俐過著豪門少奶奶生活。不過，佢喺過去一年都無咩PO過與家人嘅合照，早前48歲生日亦僅分享個人照。

陳伶俐於社交平台分享捧住蛋糕嘅獨照，寫道：「打開第48頁。#鼓勵自己 #欣賞自己 #稱讚自己 未必做得最好，但已盡力而為。世事無常，多謝所有愛錫我的人，繼續努力學習，迎接更多的頁數。」照片中未見有家人陪伴，與過往曬恩愛嘅照片形成極大對比。此外，陳伶俐以往與奶奶嘅關係亦相當好，深得奶奶愛錫，有指獲得奶奶送贈新加坡市值億半豪宅做禮物，又於去年生日送上生日驚喜，今年就未見影。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！