東張西望｜游泳教練與多位女性發生性行為後網上公開偷拍私密片 前同事爆四宗罪所屬泳會發聲明

TVB資訊節目《東張西望》以報道社會時事及民生議題正評滿滿，近期就講到25歲游泳教練兼前港隊武術代表C先生，與多名女性發生性行為後，於網上公開偷拍私密片，自稱係「性玩具測試員」，更對女方嘅表現逐一評分，當中包括未成年少女。

多名女受害者向《東張西望》揭露C先生惡行，C先生喺網上自稱「性玩具測試員」，並喺網上公開偷拍私密片，更對女方嘅外貌、身材及技巧進行評分及留下評語。而其中一名受害者Janice指C先生有一個有唔少女性照片嘅相簿，當中包含床照、影片及受害人嘅身份證照片。Janice亦因事件從中學退學，並指因為有人向佢學校發出一封包含Janice私密影片截圖及身分證嘅電郵。

受害者Cherry只有17歲，佢指啱啱認識C先生嘅時候，覺得佢好有禮貌及友善。二人初初都係喺社交網站傾下偈，之後C先生邀請佢去屋企玩貓，佢哋亦有發生性行為，而喺最後一次發生性行為嘅時候，C先生要求佢戴上眼罩，而過程更被偷拍下來。Cherry曾經質問C先生，因為佢唔同意拍片及將影片上載到網絡，但對方否認及唔回應。

去到噚晚（8日），C先生就被前同事指控四宗罪，包括教小朋友游水前吸食大麻、差啲導致小朋友遇溺、曾與女教練及學生家長大搞曖昧關係、及批評同行教練及學生。

而面對呢啲咁嚴重嘅指控，C先生所屬嘅泳會亦就此發出聲明：「有關本會教練遭有心人及同行以不實言論傳播及指控，其敘述與事實不符，並已構成本會及教練職業操守的侵害，對本會聲譽構成影響，對此嚴正聲明」，指係有人刻意散播不實嘅流言，泳會推扭曲事實嘅行為會採取法律行動。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！