雅虎香港新聞 王宗堯攜女友太子始創中心開小食店Happy Belly！推創作手拍青瓜咖啡湯力/支持香港老字號/親自落場做店長
王宗堯要開店了！位於太子始創中心的小食店Happy Belly是王宗堯跟女友的心血結晶，兩人將會在10月21跟22號駐場做店長，想知更多？即睇Yahoo Food專訪：
「我嘅性格就係見到自己鍾意嘅嘢，想Keep得耐少少，就會用自己嘅能力盡做。」-演員、Happy Belly老闆王宗堯
相信大家對演員王宗堯並不陌生，最近他又有一個新身份，就是小食店老闆！全因他與女友Julia籌備已久的小食店Happy Belly即將試業！想知小食店有甚麼特別？王宗堯又有甚麼開店故事？這次Yahoo Food就跟王宗堯跟Julia來次深度訪問，立即繼續看下去！
👉🏻全新Yahoo Food Instagram上線啦！立即Follow獲取更多飲食攻略
唔想只賣理念 與多個本地品牌合作
Happy Belly位於太子始創中心地庫，地方不算大，主打一系列特色小食，好像備有刈包、炸單骨雞翼、薯條、冷泡茶、手調特飲及咖啡。「本身我喺台灣同啲高級餐廳都有食過刈包，之後發現左間小店都有做，結果就幫襯到佢哋唔做。」身穿Happy Belly T-Shirt的王宗堯笑說，「除咗我哋以外，有啲藝人朋友都好鐘意，咁大家都鍾意嘅嘢，就諗不如試下Keep返個味道，再加啲新元素。」作為演員的王宗堯決定向店主請教食譜、做法，並慢慢與女友Julia計劃開店。
入面有數件肥美的魯肉片，鹹香醬汁配上軟腍刈包，是大家都喜愛的口味。
除了向小店偷師，二人亦跟香港不同本地品牌合作，菜式調味購自過百年老字號香料店、與素食品牌「游°」 合作推出的素炸魷魚圈Happy包、由Pedestrian Coffee提供自家烘焙咖啡豆等，之所以會跟有經驗人士及餐廳合作，王宗堯坦言：「唔想因為理念行先。」
由本地咖啡品牌Pedestrian Coffee設計，帶有淡淡青瓜香氣，酸甜得宜，有驚喜！
魷魚及醬汁的食譜與製法均由「游」提供，將雞髀菇弄成魷魚圈形狀，均勻地沾上粉漿及麵包糠，再炸至金黃。配上特製馬德里式醬汁，酸辣開胃。
他續說：「好多時身邊有好多朋友，好食同唔好食都係理念行先，我哋想喺呢件事專注返，令食物做返核心。」Julia補充：「由食物做返出發。」雖說店舖由兩人一同經營，但溫提各位粉絲，別以為可以食到王宗堯親手製作的刈包，因為他們笑言自己只是為食，但自知自己並非飲食專才，「同屋企煮餐飯好唔同，流程上或製作上都同真正嘅F&B唔一樣。」，真正的出品還是交由廚房同事負責。
口感有點像麥當勞出品，用盒裝盛載相當方便邊走邊食。
靠女友拉住理智 只想用自己能力保留喜歡的事物
對於不少人來說，Julia只是王宗堯的圈外女友，但其實在Happy Belly的營運中，她擔任了相當重要的角色，在王宗堯天馬行空之際，往往都是她捉住理智，「做生意嘅角度要攞個平衡點，好似之前佢畫啲畫攞去印，原來佢畫咗好多個Layer，連部Printer都印唔到。」Julia笑說，剛好這時有特意過來光顧的友人打算埋單，王宗堯笑住擺手拒絕：「開放日唔收錢。」Julia無奈笑說，「就好似咁樣。」不過Julia亦說男友已經改變很多，「識對自己好啲。」
另設蒜蜜牛油雞翼跟鹹蛋黃金雞翼口味，粉漿略厚。
有關注王宗堯的話，便知道他尚有案件在身，前路並不明朗，時間分分鐘在倒數，為何還會冒險開店？「我都成日講，做嘢嘅心態係因為Keep，或者唔想件事消失而去做，我嘅性格就係見到自己鍾意嘅嘢，想Keep得耐少少，就會用自己嘅能力盡做。」他淡淡地說。
自家調製的麻辣醬汁內有花椒、白芝麻、香辛料等，而且醬汁與慢煮雞肉拌得夠均勻，吃起來不會太乾身。
把原隻生蠔上粉漿即炸，簡單伴芝士及椰菜絲享用。
Happy Belly是二人的心血，餐牌看似簡單，卻是這個曾擁有明星光環的男人與女友如普通人一樣，默默努力的成果，在此祝願大家都可以擁有一個Happy Belly。
Happy Belly
地址：太子彌敦道750號始創中心地庫B02-06號（地圖按此）
電話：從缺
營業時間：10月21日 2:00pm-7:00pm
10月22日起 12:00pm-8:00pm
常見問題：
問：太子近期有甚麼新店？
答：太子手工麵包店Bread＋，全店麵包都不加任何化學成份，連麵粉都用無添加的，店中有十多款鹼水包系列，坊間少見......詳情按此
問：太子有懷舊美食嗎？
答：太子的華燕美食主打招牌豬油渣麵，有脆口的，也有放湯腍身的，另外的港式小食也有心機，像魚肉也是手打.....詳情按此
全新訂座平台「Yahoo訂餐廳×Openrice」正式上線！
更多太子美食推介
太子美食︱無添加手工麵包店 必試鹼水bagel+黑芝麻吐司+酸奶包
太子美食︱心機小店$30招牌豬油渣麵！可揀脆度及肥瘦+自炒辣菜脯
太子美食︱純白圓拱門café！招牌乳酪杯+印度香料茶蛋糕+薑黃咖啡
太子美食︱櫻花樹下榻榻米打卡 餓居居酒屋嘆燒白鰻魚+夏日限定櫻花主題套餐
太子美食︱$49三餸潮州滷水車仔麵！高峰日賣逾400碗 加大量芫茜蔥
太子美食︱父子檔賣$45兩餸米線！香炸䱽魚+炆豬軟骨+自包韮菜餃
太子美食︱點心店重現懷舊橙汁卷！日限三十份 兼自創龍蝦肉蝦餃
太子HANDS酒吧疫情自救$300任飲/任食 四川香麻手撕豬肉漢堡/麻婆Mac & Cheese/各式手工啤酒
太子美食｜神經餵飼結業 元祖文青咖啡店 日式家常料理＋蛋包飯＋心機甜品Last Call
太子餃子｜甜記餃子開分店！$42/10隻 11款人氣口味 芫荽豬肉＋京葱羊肉＋南瓜忌廉雞肉餃
太子美食│Pantone主題粉藍café打卡牆！淺藍卷蛋+日本桃焙茶布甸+蜜瓜latte
太子美食｜雲吞麵關注組熱捧十大碗粥麵專家 即睇雲吞麵以外仲有咩好食！
太子美食│表兄弟轉行賣台式古早蛋糕！必食手工花生酥+金菠蘿手工蛋糕
【太子美食】時裝設計師開日系車仔麵店 $55十餸麵 麵條都有14款
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
