「蔥頭」丘梓謙現身演唱會被粉絲瘋狂集郵 網民狂like兼激讚靚仔

現年31歲嘅丘梓謙（Adrien）童星出身，喺升讀中學後暫別幕前專注學業，直至2014年畢業後報讀藝員訓練班先正式入行做演員，近年佢憑TVB處境劇《愛·回家之開心速遞》「蔥頭」一角成功入屋，上年更憑《反黑英雄》亮眼表現，第三度入圍「飛躍進步男藝員」。近日佢現身周柏豪演唱會，除咗被場內粉絲瘋狂集郵之外，亦引起網民高度關注。

丘梓謙以一身黑色素人打扮，現身周柏豪演唱會，期間會喺場內打電話，一邊與在場粉絲打招呼，之後更有唔少粉絲搵佢合照，人氣高企。有粉絲將佢傾電話嘅照片上載到小紅書，並留言話「pakho演唱會看到了蔥頭 真的太帥了吧！@丘梓謙」。呢個PO一出，隨即引起網民瘋狂讚好及留言大讚佢靚仔，例如「好靚仔啊 反黑英雄嘅時候就覺得你超靚仔」、「太帥啦 能不能不要再散發魅力了」、「蔥頭越睇越靚仔」、「這個帥 想去看他的愛回家了」、「蔥頭唔红，天理難容！」、「蔥頭又真係幾靚仔！！！」、「真人比電視好看」、「他真的很帥啊，為什麼没什麼角色」、「比愛回家入面靚仔好多喔」、「真的很帥哈哈哈哈哈哈哈哈哈哈 不追星也花痴了」及「好帥！可惜一直只當配角」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！