何佩新歌揾前腦細林日曦重新填詞一睇即爆喊 宣佈4月舉行首個音樂分享會
何佩2025年度首支派台作品《喜劇開場了 Laugh goes on》，特別邀請到前腦細林日曦填詞，對何佩來說，這不僅是一個全新的音樂嘗試，更實現了多年的心願。
何佩感慨道：「一直以嚟，我都好希望可以邀請到林日曦填詞，彌補過去喺舊公司時未能同佢合作嘅遺憾。佢係一位我非常欣賞嘅創作人，作品打破好多傳統框架，對我剛入行時影響深遠。特別喺我由廣告人轉型為音樂人後，更加渴望擁有一首由佢填詞嘅作品。其實上年我到日本拍MV時，已經好想親自拜訪並邀請佢填詞，但一直唔敢開口，直到今年先終於鼓起勇氣，實現呢個多年來嘅心願。」
何佩憶起這次合作的過程，坦言自己一直在等待合適的時機，將過去的創作重新帶到大家面前。她分享道：「去年開始有了推出個人專輯嘅想法，於是重新翻聽自己過去嘅 Demo。呢首歌其實係我最早嘅曲詞創作，當時對生命有好多感觸，喺一次搭火車嘅旅途中，靈感湧現，就寫低咗呢首歌嘅旋律同歌詞，講對無常同生命嘅領悟。」
在確定將這首歌收錄於專輯後，何佩便開始尋找合適的填詞人，而她一直希望能與林日曦合作。「最初同佢邀約時，佢冇即刻應承，反而係想先聽聽 Demo。我即刻畀咗兩首Demo佢，期間忐忑不安，自己主動收返起呢首歌，點知佢問我係咪諗清楚，因為佢覺得對呢首最有感覺，最後估唔到佢反而特別鍾意呢首歌。兩日後，佢就交咗份詞畀我。」何佩回憶道。
當她第一次閱讀歌詞時，內心被深深觸動：「林日曦冇特別解釋歌詞嘅意思，感覺是他的人生觀，但又覺得有自己被理解嘅部份，當刻眼淚都不自覺地流下來。」
何佩提到想讓作品保持原始的純粹：「呢首Demo原本係國語詞，想保持佢嘅純粹，唔打算自己重新填詞，所以索性廣東歌詞交俾林日曦，相信更能開闊歌詞嘅視野，豐富呢首歌嘅情感層次。」她透露正在籌備首張個人專輯，能夠將這首早年的作品收錄在專輯中，讓過去與現在的自己產生聯繫，對她來說，是一件非常完滿的事。
4月舉行首個個人音樂分享會 【HOPUI LUMINOUS LIVE 2025】 無預期濕身拍攝海報帶病頂硬上
何佩即將於 4 月 27 日舉行首個個人音樂分享會 【HOPUI LUMINOUS LIVE 2025】，在拍攝音樂會宣傳海報時，她不禁笑說，整個拍攝過程充滿戲劇性，甚至可以直接當作 《喜劇開場了》 的 MV 了！
當天潮漲得特別早，加上強風吹襲，拍攝環境比預期更加嚴峻。何佩笑指：「原本以為啲海水只會淹到腳踝，點估到最後成個人都濕晒。而且當日我仲帶病拍攝，海浪不斷衝過嚟，我只可以強裝鎮定，繼續投入演出。當時腦海裡只浮現一句話——『笑著演下去』，同新歌嘅主題簡直完美呼應！」
她進一步分享：「有句話說，『人生近看是悲劇，遠看卻是喜劇』。當你稍微退後一點，再重新審視呢個場景，就會發現它其實幾有趣。雖然當時擔心病情會加重，但能夠全力以赴完成呢次拍攝，真係好值得！」
回顧這幾年作為獨立歌手的經歷，何佩坦言自己對得失有了更深的體悟：「挫折讓人成長，而所有幸福啲背後，都伴隨著某種犧牲。」她希望透過音樂，把這些真實的經歷分享給聽眾，讓大家感受到生活的多樣性與深度。
